ພະ​ເຢໂຫວາ​ເບິ່ງ​ວ່າ​ຄຳ​ປະຕິຍານ​ຕອນ​ແຕ່ງ​ດອງ​ເປັນ​ເລື່ອງ​ທີ່​ຈິງ​ຈັງ​ຫຼາຍ. ເພິ່ນ​ບອກ​ວ່າ​ຜົວ​ກັບ​ເມຍ​ຕ້ອງ​ຜູກ​ພັນ​ໃກ້​ຊິດ​ກັນ. (ມທ 19:5, 6) ຜົວ​ເມຍ​ຫຼາຍ​ຄູ່​ທີ່​ນະມັດສະການ​ພະ​ເຢໂຫວາ​ມີ​ຊີວິດ​ຄູ່​ທີ່​ມີ​ຄວາມ​ສຸກ. ແຕ່​ບໍ່​ມີ​ຄູ່​ໃດ​ສົມບູນ​ແບບ. ບາງ​ເທື່ອ​ກໍ​ມີ​ບັນຫາ. ເຮົາ​ຕ້ອງ​ບໍ່​ຍອມ​ຮັບ​ຄວາມ​ຄິດ​ແບບ​ຄົນ​ທົ່ວໄປ​ທີ່​ວ່າ​ການ​ແຍກ​ກັນ​ຢູ່​ແລະ​ການ​ຢ່າ​ຮ້າງ​ເປັນ​ທາງ​ອອກ​ເມື່ອ​ມີ​ບັນຫາ. ຄລິດສະຕຽນ​ທີ່​ແຕ່ງ​ດອງ​ແລ້ວ​ຈະ​ປົກ​ປ້ອງ​ຊີວິດ​ຄູ່​ໄດ້​ແນວ​ໃດ?

ພິຈາລະນາ 5 ຂັ້ນ​ຕອນ​ທີ່​ສຳຄັນ.

1. ປົກ​ປ້ອງ​ຫົວໃຈ​ຂອງ​ເຈົ້າ​ໂດຍ​ຫຼີກ​ລ່ຽງ​ການ​ຈີບ​ຫຼິ້ນໆແລະ​ຄວາມ​ບັນເທີງ​ທີ່​ຜິດສິນລະທຳ ເຊິ່ງ​ເຮັດ​ໃຫ້​ຊີວິດ​ຄູ່​ບໍ່​ໝັ້ນ​ຄົງ.—ມທ 5:28; 2ປຕ 2:14

2. ເຮັດ​ໃຫ້​ສາຍ​ສຳພັນ​ຂອງ​ເຈົ້າ​ກັບ​ພະເຈົ້າ​ແໜ້ນແຟ້ນ​ຂຶ້ນ ແລະ​ເພີ່ມ​ຄວາມ​ຕ້ອງການ​ທີ່​ຈະ​ເຮັດ​ໃຫ້​ພະເຈົ້າ​ພໍ​ໃຈ​ໃນ​ຊີວິດ​ຄູ່​ຂອງ​ເຈົ້າ.—ເພງ 97:10

3. ປູກ​ຝັງ​ລັກສະນະ​ນິດໄສ​ໃໝ່​ຕໍ່ໆໄປ ແລະ​ເຮັດ​ສິ່ງ​ເລັກໆນ້ອຍໆທີ່​ເຮັດ​ໃຫ້​ຄູ່​ຂອງ​ເຈົ້າ​ມີ​ຄວາມ​ສຸກ.—ກລຊ 3:8-10, 12-14

4. ສະແດງ​ຄວາມ​ນັບຖື​ແລະ​ໃຊ້​ຄຳເວົ້າ​ທີ່​ດີ.—ກລຊ 4:6

5. ຕອບ​ສະໜອງ​ຄວາມ​ຕ້ອງການ​ຂອງ​ກັນ​ແລະ​ກັນ​ດ້ວຍ​ຄວາມ​ຮັກ.—1​ກຣ 7:3, 4; 10:24

ເມື່ອ​ຄລິດສະຕຽນ​ໃຫ້​ກຽດ​ຊີວິດ​ຄູ່ ເຂົາ​ເຈົ້າ​ກໍ​ໃຫ້​ກຽດ​ພະ​ເຢໂຫວາ​ຜູ້​ທີ່​ເລີ່ມ​ໃຫ້​ມີ​ການ​ແຕ່ງ​ດອງ.

ເບິ່ງ​ວິດີໂອ​ເຮົາ​ຕ້ອງ “ແລ່ນ​ດ້ວຍ​ຄວາມ​ພຽນ [ອົດ​ທົນ]”—ເຮັດ​ຕາມ​ກົດ​ຂອງ​ການ​ແຂ່ງ​ຂັນ ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ເຖິງ​ວ່າ​ຊີວິດ​ຄູ່​ຈະ​ເລີ່ມ​ຕົ້ນ​ດ້ວຍ​ດີ ແຕ່​ກໍ​ອາດ​ຈະ​ມີ​ບັນຫາ​ຫຍັງ​ເກີດ​ຂຶ້ນ?

• ຫຼັກ​ການ​ໃນ​ຄຳພີ​ໄບເບິນ​ຈະ​ຊ່ວຍ​ຄົນ​ທີ່​ຮູ້ສຶກ​ວ່າ​ຄວາມ​ຮັກ​ໃນ​ຊີວິດ​ຄູ່​ຫຼຸດ​ໜ້ອຍ​ລົງ​ໄດ້​ແນວ​ໃດ?

• ພະ​ເຢໂຫວາ​ຕັ້ງ​ກົດ​ຫຍັງ​ສຳລັບ​ຊີວິດ​ຄູ່?

• ເພື່ອ​ຊີວິດ​ຄູ່​ຈະ​ມີ​ຄວາມ​ສຸກ ຜົວ​ເມຍ​ຕ້ອງ​ເຮັດ​ຫຍັງ?