ຊີວິດຄລິດສະຕຽນ
ການປະຊຸມໃຫຍ່ປະຈຳປີ—ໂອກາດທີ່ຈະສະແດງຄວາມຮັກ
ເປັນຫຍັງເຮົາຈຶ່ງມີຄວາມສຸກຫຼາຍກັບການປະຊຸມໃຫຍ່ປະຈຳປີ? ຄືກັບໃນສະໄໝອິດສະຣາເອນບູຮານ ການປະຊຸມໃຫຍ່ຂອງເຮົາໃນທຸກມື້ນີ້ເປີດໂອກາດໃຫ້ເຮົານະມັດສະການພະເຢໂຫວາຮ່ວມກັບພີ່ນ້ອງຕັ້ງແຕ່ຫຼາຍຮ້ອຍຈົນຮອດຫຼາຍພັນຄົນ. ເຮົາມີຄວາມສຸກກັບອາຫານເສີມຄວາມເຊື່ອທີ່ມີຢ່າງອຸດົມສົມບູນ. ເຮົາຍັງເຫັນຄຸນຄ່າເວລາດີໆທີ່ໄດ້ຢູ່ກັບໝູ່ແລະຄອບຄົວ. ຍ້ອນແນວນີ້ເຮົາຈຶ່ງຖືກກະຕຸ້ນໃຫ້ເຂົ້າຮ່ວມການປະຊຸມຕະຫຼອດທັງສາມມື້.
ເມື່ອເຮົາມີໂອກາດຢູ່ຮ່ວມກັນ ເຮົາບໍ່ຄວນຄິດເຖິງສິ່ງທີ່ເຮົາຈະໄດ້ຮັບເປັນສ່ວນຕົວເທົ່ານັ້ນ ແຕ່ໃຫ້ເຮົາຄິດເຖິງວິທີທີ່ຈະສະແດງຄວາມຮັກຕໍ່ຄົນອື່ນນຳ. (ຄລຕ 6:10; ຮຣ 10:24, 25) ເມື່ອເຮົາເປີດປະຕູຄ້າງໄວ້ໃຫ້ພີ່ນ້ອງຍ່າງເຂົ້າບ່ອນປະຊຸມຫຼືຈອງບ່ອນນັ່ງເທົ່າທີ່ຈຳເປັນ ນັ້ນກໍສະແດງວ່າເຮົາເຫັນແກ່ຜົນປະໂຫຍດຂອງຄົນອື່ນ. (ຟລປ 2:3, 4) ການປະຊຸມໃຫຍ່ເປັນໂອກາດດີທີ່ເຮົາຈະໄດ້ໝູ່ໃໝ່. ທັງກ່ອນແລະຫຼັງການປະຊຸມລວມເຖິງຕອນພັກກິນເຂົ້າທ່ຽງ ເຮົາສາມາດຕັ້ງເປົ້າໝາຍທີ່ຈະຮູ້ຈັກກັບບາງຄົນທີ່ເຮົາຍັງບໍ່ທັນຮູ້ຈັກ. (2ກຣ 6:13) ຄວາມສຳພັນທີ່ເຮົາສ້າງຂຶ້ນໃນໂອກາດເຫຼົ່ານີ້ຈະຢູ່ຕະຫຼອດໄປ! ທີ່ສຳຄັນ ເມື່ອຄົນອື່ນເຫັນເຮົາສະແດງຄວາມຮັກແທ້ຕໍ່ກັນ ເຂົາເຈົ້າອາດຖືກກະຕຸ້ນໃຈໃຫ້ເຂົ້າມາຮັບໃຊ້ພະເຢໂຫວານຳກັນກັບເຮົາ.—ຢຮ 13:35
ເບິ່ງວິດີໂອ ການປະຊຸມນານາຊາດ “ຄວາມຮັກຈະຄົງຢູ່ຕະຫຼອດໄປ”! ແລ້ວຕອບຄຳຖາມຕໍ່ໄປນີ້:
-
ໃນການປະຊຸມນານາຊາດປີ 2019 ພີ່ນ້ອງສະແດງຄວາມຮັກຕໍ່ຕົວແທນຈາກຕ່າງປະເທດແນວໃດ?
-
ເປັນຫຍັງຄວາມຮັກແລະຄວາມເປັນນ້ຳໜຶ່ງໃຈດຽວກັນທ່າມກາງຄົນຂອງພະເຢໂຫວາຈຶ່ງໂດດເດັ່ນຫຼາຍ?
-
ສະມາຊິກຄະນະກຳມະການປົກຄອງເນັ້ນແງ່ມຸມໃດຂອງຄວາມຮັກແບບຄລິດສະຕຽນ?
-
ເຈົ້າຈະສະແດງຄວາມຮັກໃນການປະຊຸມໃຫຍ່ໄດ້ແນວໃດ?
ຄວາມຮັກແບບຄລິດສະຕຽນຂອງພີ່ນ້ອງໃນປະເທດເຢຍລະມັນແລະເກົາຫຼີໃຕ້ເຮັດໃຫ້ເຂົາເຈົ້າເອົາຊະນະການຂົ່ມເຫງໄດ້ແນວໃດ?
-
ເຮົາຄວນຕັ້ງໃຈທີ່ຈະເຮັດຫຍັງ?
