ພະ​ເຢໂຫວາ​ເບິ່ງ​ວ່າ​ເຈົ້າ​ມີ​ຄ່າ​ຫຼາຍ. (ເອຊາ 43:4) ເພິ່ນ​ຊັກ​ນຳ​ເຈົ້າ​ໃຫ້​ມາ​ຫາ​ເພິ່ນ​ແລະ​ເຂົ້າ​ມາ​ໃນ​ອົງການ. ເມື່ອ​ເຈົ້າ​ອຸທິດ​ຕົວ​ແລະ​ຮັບ​ບັບເຕມາ ເຈົ້າ​ກໍ​ເປັນ​ຄົນ​ຂອງ​ພະ​ເຢໂຫວາ. ແມ່ນ​ແຕ່ຕອນ​ທີ່​ເຈິ​ກັບ​ຄວາມ​ຍາກ​ລຳບາກ​ເພິ່ນ​ກໍ​ຈະ​ເບິ່ງ​ແຍງ​ເຈົ້າ​ຄື​ກັບ​ເປັນ​ຊັບ​ສົມບັດ​ທີ່​ມີ​ຄ່າ​ຂອງ​ເພິ່ນ. ແລະ​ເພິ່ນ​ຈະ​ສະແດງ​ຄວາມ​ຮັກ​ທີ່​ໝັ້ນຄົງຕໍ່ເຈົ້າ​ຜ່ານ​ທາງ​ອົງການ​ຂອງ​ເພິ່ນ.—ເພງ 25:10

ເຮົາ​ເຫັນ​ຄ່າ​ຄວາມ​ຮັກ​ທີ່​ໝັ້ນຄົງ​ຂອງ​ພະ​ເຢໂຫວາ​ຫຼາຍ​ຂຶ້ນ​ເມື່ອ​ໄດ້​ເຫັນ​ວ່າ​ອົງການ​ຂອງ​ເພິ່ນ​ເຮັດ​ຫຍັງ​ແດ່​ຕອນ​ທີ່​ເກີດ​ໄພ​ພິບັດ​ເມື່ອ​ບໍ່​ເທົ່າ​ໃດ​ປີ​ມາ​ນີ້.

ເບິ່ງ​ວິດີໂອ​ລາຍງານ​ຈາກ​ຄະນະ​ກຳມະການ​ຜູ້​ປະສານ​ງານ​ປີ 2019 ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ຄະນະ​ກຳມະການ​ຜູ້​ປະສານ​ງານ​ໄດ້​ກຽມ​ສາຂາ​ຕ່າງໆທົ່ວ​ໂລກ​ໃຫ້​ພ້ອມ​ສຳລັບ​ໄພພິບັດ​ແນວ​ໃດ?

• ອົງການ​ຂອງ​ພະ​ເຢໂຫວາ​ໃຫ້​ຄຳ​ແນະນຳ​ແລະ​ຊ່ວຍ​ເຫຼືອ​ວຽກ​ບັນເທົາ​ທຸກ​ໃນ​ອິນໂດເນເຊຍ​ແລະ​ນີເຊເຣຍ​ແນວ​ໃດ?

• ເຈົ້າ​ປະທັບ​ໃຈ​ອັນ​ໃດ​ກ່ຽວ​ກັບ​ສິ່ງ​ທີ່​ອົງການ​ຂອງ​ພະ​ເຢໂຫວາ​ໄດ້​ເຮັດ​ໃນ​ໄລຍະ​ທີ່​ເກີດ​ການ​ລະ​ບາດ​ໃຫຍ່​ຂອງ​ໂຄວິດ-19?