ຖ້າ​ນັກ​ສຶກສາ​ຢາກ​ເປັນ​ໝູ່​ກັບ​ພະ​ເຢໂຫວາ ລາວ​ຕ້ອງ​ຄົບ​ຫາ​ກັບ​ໝູ່​ທີ່​ດີ. (ເພງ 15:1, 4) ເພາະ​ໝູ່​ທີ່​ດີ​ຈະ​ຊ່ວຍ​ລາວ​ໃຫ້​ເຮັດ​ສິ່ງ​ທີ່​ຖືກຕ້ອງ.—ສຸພາ 13:20; ຊສຕ ບົດ 48

ເຮົາ​ຕ້ອງ​ສະແດງ​ຄວາມ​ເຫັນ​ອົກ​ເຫັນ​ໃຈ​ເມື່ອ​ຊ່ວຍ​ນັກ​ສຶກສາ​ໃຫ້​ເຊົາ​ຄົບຫາ​ກັບ​ໝູ່​ທີ່​ບໍ່​ດີ ເພາະ​ອາດ​ບໍ່​ງ່າຍ​ສຳລັບ​ເຂົາເຈົ້າ​ທີ່​ຈະ​ເຊົາ​ຄົບຫາ​ກັບ​ໝູ່​ທີ່​ເຄີຍ​ຫຼິ້ນ​ນຳກັນ. ສະນັ້ນ ຂໍ​ໃຫ້​ເຈົ້າ​ສະແດງ​ໃຫ້​ເຫັນ​ວ່າເຈົ້າ​ສົນໃຈ​ແລະ​ເປັນຫ່ວງ​ລາວ​ທັງ​ມື້​ທີ່​ສຶກສາ​ແລະ​ບໍ່​ໄດ້​ສຶກສາ​ນຳ. ເຈົ້າ​ອາດ​ສົ່ງ​ຂໍ້​ຄວາມ ໂທ​ໄປ​ລົມ​ນຳ​ລາວ ຫຼື​ແວ່​ໄປ​ຫາ​ລາວ​ກໍ​ໄດ້. ເມື່ອ​ນັກ​ສຶກສາ​ກ້າວ​ໜ້າ​ຫຼາຍ​ຂຶ້ນ ໃຫ້​ຊວນ​ລາວ​ໄປ​ຫຼິ້ນ​ນຳ​ກັນ​ກັບ​ພີ່ນ້ອງ. ການ​ເຮັດ​ແບບ​ນີ້​ຈະ​ຊ່ວຍ​ລາວ​ໃຫ້​ໝັ້ນ​ໃຈ​ວ່າ​ເຖິງວ່າ​ຈະ​ຕ້ອງ​ເຊົາ​ຄົບ​ຫາ​ກັບ​ໝູ່​ເກົ່າ​ແຕ່​ລາວ​ກໍ​ໄດ້​ໝູ່​ໃໝ່​ອີກ​ຫຼາຍ​ຄົນ. (ມຣກ 10:29, 30) ເຈົ້າ​ເອງ​ກໍ​ຈະ​ມີ​ຄວາມ​ສຸກ​ນຳ​ທີ່​ເຫັນ​ວ່າ​ຄອບຄົວ​ຂອງ​ພະ​ເຢໂຫວາ​ມີ​ສະມາຊິກໃໝ່​ເພີ່ມ​ເຂົ້າ​ມາ.

ເບິ່ງ​ວິດີໂອ​ຊ່ວຍ​ນັກ​ສຶກສາ​ໃຫ້​ເຊົາ​ຄົບຫາ​ກັບ​ໝູ່​ທີ່​ບໍ່​ດີ ແລ້ວ​ຕອບ​ຄຳ​ຖາມ​ຕໍ່​ໄປ​ນີ້:

• ການ​ຄົບຫາ​ກັບ​ຄົນ​ທີ່​ບໍ່​ດີ​ໝາຍ​ເຖິງ​ຫຍັງ?—1ກຣ 15:33

• ເຈດີ້​ນຶກ​ພາບ​ວ່າ​ງານ​ລ້ຽງ​ແບບ​ຄລິດສະຕຽນ​ເປັນ​ແນວ​ໃດ?

• ນີຕ້າ​ຊ່ວຍ​ເຈດີ້​ແນວ​ໃດ​ໃຫ້​ເຊົາ​ຄົບຫາ​ກັບ​ໝູ່​ທີ່​ບໍ່​ດີ?