ເຮົາຢາກຫົດນໍ້າເມັດແຫ່ງຄວາມຈິງທີ່ເຮົາໄດ້ປູກ. (1 ໂກ. 3:6) ເມື່ອເຮົາພົບຄົນທີ່ສົນໃຈ ດີແທ້ແມ່ນຝາກຄຳຖາມໄວ້ເພື່ອຈະກັບມາລົມອີກເທື່ອໜ້າ. ການເຮັດແບບນີ້ຈະເຮັດໃຫ້ເຈົ້າຂອງເຮືອນຖ້າຟັງຄຳຕອບແລະເຮັດໃຫ້ເຮົາກຽມຕົວເພື່ອກັບໄປຢາມໄດ້ງ່າຍຂຶ້ນ ໂດຍບອກລາວວ່າເຮົາກັບມາຢາມເພື່ອຕອບຄຳຖາມທີ່ຝາກໄວ້ເທື່ອແລ້ວນີ້.

• ເມື່ອກຽມຕົວເພື່ອໄປປະກາດຕາມບ້ານເຮືອນ ໃຫ້ກຽມຄຳຖາມທີ່ຈະໃຊ້ປູທາງໄວ້ເພື່ອກັບໄປຢາມນຳ. ເຈົ້າອາດເລືອກຄຳຖາມຈາກຫົວຂໍ້ໜຶ່ງໃນປຶ້ມທີ່ຈະສະເໜີ ຫຼືເລືອກຄຳຖາມທີ່ມີຄຳຕອບໃນຄູ່ມືທີ່ໃຊ້ຮຽນຄຳພີໄບເບິນ ເຊິ່ງເຈົ້າອາດເອົາໄປໃຫ້ລາວເມື່ອກັບໄປຢາມ.

• ເມື່ອລົມກັບຜູ້ສົນໃຈຈົບແລ້ວ ກ່ອນຈະກັບກໍຄວນບອກໃຫ້ລາວຮູ້ວ່າເຈົ້າຢາກລົມກັບລາວອີກ. ໂດຍໃຊ້ຄຳຖາມທີ່ກຽມໄວ້ເພື່ອປູທາງ. ຖ້າເຮັດໄດ້ໃຫ້ຈົດຂໍ້ມູນເພື່ອເຮົາຈະສາມາດຕິດຕໍ່ຫາລາວ.

• ຖ້າເຈົ້າບອກລາວວ່າຈະກັບໄປຫາເວລາໃດ ກໍຕ້ອງໄປຕາມນັດ.—ມັດ. 5:37