ເປັນ​ຫຍັງ​ຈຶ່ງ​ສຳຄັນ: ການ​ສຶກສາ​ພະ​ຄຳ​ຂອງ​ພະເຈົ້າ​ຊ່ວຍ​ເຮົາ​ໃຫ້ “ເຂົ້າ​ໃຈ​ຄວາມ​ຈິງ​ຄົບ​ທຸກ​ດ້ານ ທັງ​ຄວາມ​ກວ້າງ ຄວາມ​ຍາວ ຄວາມ​ສູງ ແລະ​ຄວາມ​ເລິກ” (ເອເຟ. 3:18, ລ.ມ.) ແລະ​ຊ່ວຍ​ເຮົາ​ບໍ່​ໃຫ້​ມີ​ຄຳ​ຕິຕຽນ​ແລະ​ຄຳ​ຕຳໜິ​ໃນ​ທ່າມກາງ​ໂລກ​ທີ່​ຊົ່ວ​ຮ້າຍ​ນີ້ ແລະ​ຍັງ​ຊ່ວຍ​ເຮົາ​ໃຫ້ “ຍຶດ​ໝັ້ນ​ກັບ​ຖ້ອຍຄຳ​ທີ່​ໃຫ້​ຊີວິດ.” (ຟີລິບ 2:15, 16, ລ.ມ.) ເຮົາ​ສາມາດ​ເລືອກ​ບົດ​ຄວາມ​ທີ່​ກົງ​ກັບ​ຄວາມ​ຈຳເປັນ​ຂອງ​ເຮົາ​ໃນ​ການ​ສຶກສາ​ຕົວ. ແຕ່​ເຮົາ​ຈະ​ໃຊ້​ເວລາ​ໃນ​ການ​ອ່ານ​ແລະ​ສຶກສາ​ຄຳພີ​ໄບເບິນ​ໃຫ້​ໄດ້​ຮັບ​ປະໂຫຍດ​ຫຼາຍ​ທີ່​ສຸດ​ໄດ້​ແນວ​ໃດ?

ສິ່ງ​ທີ່​ຄວນ​ເຮັດ:

• ທາ​ສີ​ຂໍ້​ຄຳພີ​ແລະ​ຈົດ​ບັນທຶກ​ສັ້ນໆໄວ້​ໃນ​ຄຳພີ​ໄບເບິນ​ທີ່​ເຈົ້າ​ໃຊ້​ສຶກສາ​ສ່ວນ​ຕົວ​ບໍ່​ວ່າ​ຈະ​ເປັນ​ຫົວ​ຫຼື​ໃນ​ແທັບເລັດ.

• ເມື່ອ​ອ່ານ​ຄຳພີ​ໄບເບິນ​ໃຫ້​ຖາມ​ຕົວ​ເອງ​ດ້ວຍ​ຄຳຖາມ​ເຫຼົ່າ​ນີ້: ‘ໃຜ? ແມ່ນ​ຫຍັງ? ເມື່ອ​ໃດ? ຢູ່​ໃສ? ແນວ​ໃດ? ເປັນ​ຫຍັງ?’

• ຫາ​ຂໍ້​ມູນ​ເພີ່ມ​ຕື່ມ. ໂດຍ​ໃຊ້​ເຄື່ອງ​ມື​ຄົ້ນ​ຄວ້າ ເຊິ່ງ​ສາມາດ​ຄົ້ນ​ຈາກ​ຫົວ​ຂໍ້​ຫຼື​ຂໍ້​ຄຳພີ​ກໍ​ໄດ້

• ຄິດ​ຕຶກຕອງ​ເລື່ອງ​ທີ່​ໄດ້​ອ່ານ​ວ່າ​ຈະ​ເອົາ​ມາ​ໃຊ້​ກັບ​ຕົວ​ເອງ​ແນວ​ໃດ

• ເອົາ​ສິ່ງ​ທີ່​ໄດ້​ຮຽນ​ມາ​ໃຊ້​ໃນ​ຊີວິດ​ປະຈຳ​ວັນ.—ລືກາ 6:47, 48

ເບິ່ງ​ວິດີໂອ “ຍຶດ​ໝັ້ນ” ກັບ​ການ​ສຶກສາ​ສ່ວນ​ຕົວຢ່າງ​ຈິງ​ຈັງ ຈາກ​ນັ້ນ ຕອບ​ຄຳຖາມ​ຕໍ່​ໄປ​ນີ້:

• ບາງ​ຄົນ​ເວົ້າ​ແນວ​ໃດ​ກ່ຽວ​ກັບ​ການ​ສຶກສາ​ສ່ວນ​ຕົວ?

• ເປັນ​ຫຍັງ​ເຮົາ​ຄວນ​ອະທິດຖານ​ກ່ອນ​ຈະ​ເລີ່ມ​ສຶກສາ​ສ່ວນ​ຕົວ​ໃນ​ແຕ່​ລະ​ຄັ້ງ?

• ອັນ​ໃດ​ຈະ​ຊ່ວຍ​ເຮົາ​ໃຫ້​ເຂົ້າ​ໃຈ​ເລື່ອງ​ໃນ​ຄຳພີ​ໄບເບິນ​ໄດ້​ດີ​ຂຶ້ນ?

• ເຮົາ​ຈະ​ໝາຍ​ສີ​ຕ່າງໆແນວ​ໃດ​ເພື່ອ​ຊ່ວຍ​ໃນ​ການ​ສຶກສາ​ຄຳພີ​ໄບເບິນ?

• ເປັນ​ຫຍັງ​ການ​ຄິດ​ຕຶກຕອງ​ຈຶ່ງ​ສຳຄັນ​ເມື່ອ​ເຮົາ​ສຶກສາ​ພະ​ຄຳ​ຂອງ​ພະເຈົ້າ?

• ເຮົາ​ຄວນ​ເຮັດ​ຫຍັງ​ກັບ​ສິ່ງ​ທີ່​ໄດ້​ຮຽນ?