ດາວິດ​ເອົາ​ຊະນະ​ໂຄລີອາດ​ໄດ້​ເພາະ​ລາວ​ໄວ້​ວາງໃຈ​ພະ​ເຢໂຫວາ. (1​ຊາມ 17:45) ພະ​ເຢໂຫວາ​ຢາກ​ສະແດງ​ພະລັງ​ອຳນາດ​ເພື່ອ​ຊ່ວຍ​ຜູ້​ຮັບໃຊ້​ຂອງ​ເພິ່ນ. (2​ຂ່າວ 16:9) ເຮົາ​ຈະ​ໄວ້​ວາງໃຈ​ພະ​ເຢໂຫວາ​ແທນ​ທີ່​ຈະ​ໄວ້​ວາງໃຈ​ຄວາມ​ສາມາດ​ແລະ​ປະສົບການ​ຂອງ​ໂຕ​ເອງ​ໄດ້​ແນວ​ໃດ? ໃຫ້​ເຮົາ​ເບິ່ງ 3 ວິທີ​ຕໍ່​ໄປ​ນີ້:

• ອະທິດຖານ​ເລື້ອຍໆ. ເຮົາ​ຈະ​ບໍ່​ພຽງ​ແຕ່​ອະທິດຖານ​ຂໍ​ໃຫ້​ພະ​ເຢໂຫວາ​ໃຫ້​ອະໄພ​ຫຼັງ​ຈາກ​ເຮັດ​ຜິດ ແຕ່​ຈະ​ຂໍ​ກຳລັງ​ເມື່ອ​ຖືກ​ລໍ້​ໃຈ​ໃຫ້​ເຮັດ​ຜິດ​ນຳ. (ມທ 6:12, 13) ເຮົາ​ຈະ​ບໍ່​ພຽງ​ແຕ່​ອະທິດຖານ​ຂໍ​ພະ​ເຢໂຫວາ​ອວຍ​ພອນ​ຫຼັງ​ຈາກ​ເຮົາ​ຕັດສິນ​ໃຈ​ໄປ​ແລ້ວ ແຕ່​ຈະ​ຂໍ​ການ​ຊີ້​ນຳ​ແລະ​ສະຕິປັນຍາ​ກ່ອນ​ທີ່​ຈະ​ຕັດສິນ​ໃຈ​ນຳ.—ຢກບ 1:5

• ອ່ານ​ແລະ​ສຶກສາ​ຄຳ​ພີ​ໄບເບິນ​ເປັນ​ປະຈຳ. ອ່ານ​ຄຳ​ພີ​ໄບເບິນ​ທຸກ​ມື້. (ເພງ 1:2) ຄິດ​ຕຶກຕອງ​ກ່ຽວ​ກັບ​ຕົວຢ່າງ​ຕ່າງໆ​ໃນ​ຄຳ​ພີ​ໄບເບິນ​ແລະ​ເອົາ​ສິ່ງ​ທີ່​ໄດ້​ຮຽນ​ໄປ​ໃຊ້. (ຢກບ 1:23-25) ກຽມ​ໂຕ​ຢ່າງ​ດີ​ເພື່ອ​ອອກ​ປະກາດ ແທນ​ທີ່​ຈະ​ເພິ່ງ​ປະສົບການ​ໂຕ​ເອງ. ກຽມ​ການ​ປະຊຸມ​ລ່ວງ​ໜ້າ​ເພື່ອ​ຈະ​ໄດ້​ຮັບ​ປະໂຫຍດ​ຢ່າງ​ເຕັມທີ

• ເຊື່ອ​ຟັງ​ອົງການ​ຂອງ​ພະ​ເຢໂຫວາ. ນຳ​ໃຫ້​ທັນ​ກັບ​ການ​ຊີ້​ນຳ​ໃໝ່ໆ​ຂອງ​ອົງການ​ແລະ​ເຮັດ​ຕາມ​ທັນທີ. (ຈົດເຊັນ 9:17) ເຊື່ອ​ຟັງ​ຄຳ​ແນະນຳ​ຂອງ​ຜູ້​ດູ​ແລ.—ຮຣ 13:17

ເບິ່ງ​ວິດີໂອ​ບໍ່​ມີ​ເຫດຜົນ​ທີ່​ເຮົາ​ຈະ​ຕ້ອງ​ຢ້ານ​ການ​ຂົ່ມເຫງ ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ພີ່ນ້ອງ​ເຈິ​ຫຍັງ​ແດ່​ທີ່​ເຮັດ​ໃຫ້​ເຂົາເຈົ້າ​ຢ້ານ?

• ອັນ​ໃດ​ຊ່ວຍ​ເຂົາເຈົ້າ​ໃຫ້​ຮັບ​ມື​ກັບ​ຄວາມ​ຢ້ານ?