ສິ່ງທີ່ມີຄ່າຈາກພະຄຳຂອງພະເຈົ້າ | ມັດທາຍ 25
‘ຈົ່ງເຝົ້າລະວັງຢູ່ສະເໝີ’
ເຖິງວ່າພະເຍຊູໝາຍເຖິງຄລິດສະຕຽນຜູ້ຖືກເຈີມຂອງເພິ່ນເມື່ອເວົ້າເຖິງຕົວຢ່າງປຽບທຽບເລື່ອງຍິງບໍລິສຸດ 10 ຄົນ ແຕ່ເລື່ອງນີ້ກໍໃຊ້ໄດ້ກັບຄລິດສະຕຽນທຸກຄົນນຳ. (ຫ 15/3/15 ໜ້າ 9-14) ດັ່ງນັ້ນ “ຈົ່ງເຝົ້າລະວັງຢູ່ [ສະເໝີ] ເພາະວ່າທ່ານທັງຫຼາຍບໍ່ຮູ້ຈັກວັນໃດແລະໂມງໃດ.” (ມັດ. 25:13) ເຈົ້າອະທິບາຍຕົວຢ່າງປຽບທຽບຂອງພະເຍຊູໄດ້ບໍ?
-
ເຈົ້າບ່າວ (ຂໍ້ 1)—ພະເຍຊູ
-
ຍິງບໍລິສຸດທີ່ສະຫຼາດແລະກຽມພ້ອມ (ຂໍ້ 2)—ຄລິດສະຕຽນຜູ້ຖືກເຈີມທີ່ກຽມພ້ອມເພື່ອເຮັດວຽກມອບໝາຍຢ່າງສັດຊື່ແລະເຂົາເຈົ້າເປັນດັ່ງໂຄມໄຟທີ່ສ່ອງແຈ້ງໃນເວລາອະວະສານ (ຟີລິບ 2:15)
-
ສຽງຮ້ອງທີ່ບອກວ່າ: “ເຈົ້າບ່າວມາແລ້ວ” (ຂໍ້ 6)—ສັນຍະລັກຂອງການປະທັບຂອງພະເຍຊູ
-
ຍິງບໍລິສຸດທີ່ໂງ່ (ຂໍ້ 8)—ຄລິດສະຕຽນຜູ້ຖືກເຈີມທີ່ອອກໄປຮັບເຈົ້າບ່າວແຕ່ບໍ່ໄດ້ເຝົ້າລະວັງແລະບໍ່ຮັກສາຄວາມສັດຊື່ຕໍ່ພະເຈົ້າ
-
ຍິງບໍລິສຸດທີ່ສະຫຼາດບໍ່ແບ່ງນໍ້າມັນໃຫ້ (ຂໍ້ 9)—ຫຼັງຈາກການປະທັບຕາຄັ້ງສຸດທ້າຍ ກໍສາຍເກີນໄປແລ້ວທີ່ຜູ້ຖືກເຈີມທີ່ສັດຊື່ຈະຊ່ວຍຜູ້ຖືກເຈີມທີ່ບໍ່ສັດຊື່
-
‘ເຈົ້າບ່າວໄດ້ມາຮອດ’ (ຂໍ້ 10)—ພະເຍຊູມາປະກາດຄຳພິພາກສາໃນໄລຍະສຸດທ້າຍຂອງຄວາມທຸກລຳບາກຄັ້ງໃຫຍ່
-
ຍິງບໍລິສຸດທີ່ສະຫຼາດໄດ້ເຂົ້າໄປໃນງານດອງກັບເຈົ້າບ່າວ ແລ້ວປະຕູກໍປິດ (ຂໍ້ 10)—ພະເຍຊູລວບລວມຜູ້ຖືກເຈີມທີ່ສັດຊື່ໄປສະຫວັນ ແຕ່ຄົນທີ່ບໍ່ສັດຊື່ສູນເສຍລາງວັນທີ່ຈະໄດ້ໄປສະຫວັນ
