ຊີວິດຄລິດສະຕຽນ
ໄວລຸ້ນ—ຂໍໃຫ້ “ເປັນຄົນດຸໝັ່ນໃນການເຮັດວຽກທີ່ດີ”
ໃນຈົດໝາຍທີ່ໂປໂລໄດ້ຮັບການດົນໃຈໃຫ້ຂຽນເຖິງຕິໂຕ ລາວຂຽນວ່າ: ໄວລຸ້ນຊາຍເຊິ່ງລວມເຖິງຕິໂຕຄວນພະຍາຍາມສຸດຄວາມສາມາດທີ່ຈະເປັນ “ຕົວຢ່າງເລື່ອງການເຮັດວຽກທີ່ດີໃນທຸກດ້ານ.” (ຕິໂຕ 2:6, 7, ລ.ມ.) ຕໍ່ມາໃນບົດດຽວກັນ ລາວບອກວ່າພະເຍຊູຈະເຮັດໃຫ້ປະຊາຊົນຂອງພະເຢໂຫວາສະອາດ ເພື່ອພວກເຂົາຈະ “ເປັນຄົນດຸໝັ່ນໃນການເຮັດວຽກທີ່ດີ.” (ຕິໂຕ 2:14) ໜຶ່ງໃນວຽກທີ່ດີກໍຄືການປະກາດແລະການສອນເລື່ອງການປົກຄອງຂອງພະເຈົ້າ. ຖ້າເຈົ້າເປັນໄວລຸ້ນ ເຈົ້າຈະໃຊ້ກຳລັງຂອງເຈົ້າເພື່ອຮັບໃຊ້ເປັນໄພໂອເນຍສົມທົບ ຫຼື ໄພໂອເນຍປະຈຳໄດ້ບໍ?—ສຸພາ. 20:29
ຖ້າເຈົ້າຢາກຮັບໃຊ້ເປັນໄພໂອເນຍ ໃຫ້ວາງແຜນທີ່ເຈົ້າສາມາດເຮັດໄດ້. (ລືກາ 14:28-30) ຕົວຢ່າງເຊັ່ນ: ເຈົ້າຈະຫາລ້ຽງຕົວເອງແນວໃດຕອນທີ່ຮັບໃຊ້ເຕັມເວລາ? ເຈົ້າຈະເຮັດຊົ່ວໂມງໃຫ້ຄົບໄດ້ແນວໃດ? ໃຫ້ຂໍຄວາມຊ່ວຍເຫຼືອຈາກພະເຢໂຫວາໂດຍການອະທິດຖານ. (ເພງ. 37:5) ໃຫ້ລົມກັບພໍ່ແມ່ແລະໄພໂອເນຍທີ່ມີປະສົບການກ່ຽວກັບສິ່ງທີ່ເຈົ້າວາງແຜນໄວ້. ຈາກນັ້ນລົງມືເຮັດຕາມຂັ້ນຕອນທີ່ຈະຊ່ວຍໃຫ້ເຈົ້າເຮັດໄດ້ສຳເລັດ. ພະເຢໂຫວາຈະອວຍພອນເຈົ້າທີ່ພະຍາຍາມຮັບໃຊ້ພະອົງຢ່າງແນ່ນອນ!
ເບິ່ງວິດີໂອໜຸ່ມສາວກຳລັງໃຫ້ກຽດພະເຢໂຫວາ ແລ້ວຕອບຄຳຖາມຕໍ່ໄປນີ້:
-
ມີອຸປະສັກຫຍັງແດ່ທີ່ພີ່ນ້ອງບາງຄົນໄດ້ເອົາຊະນະເພື່ອຈະເປັນໄພໂອເນຍ ແລະພວກເຂົາເຮັດແບບນັ້ນໄດ້ແນວໃດ?
-
ພໍ່ແມ່ຈະຊ່ວຍລູກໃຫ້ເປັນໄພໂອເນຍປະຈຳໄດ້ແນວໃດ?
-
ເປັນຫຍັງການມີຕາຕະລາງຮັບໃຊ້ຈຶ່ງສຳຄັນ?
-
ພີ່ນ້ອງໃນປະຊາຄົມຈະໃຫ້ກຳລັງໃຈແລະຊ່ວຍເຫຼືອໄພໂອເນຍໄດ້ແນວໃດ?
-
ໄພໂອເນຍໄດ້ຮັບພອນຫຍັງແດ່?
ຂ້ອຍຈະເປັນໄພໂອເນຍຕາມທີ່ຕັ້ງໃຈໄວ້ໄດ້ແນວໃດ?
