ເປັນ​ຫຍັງ​ເຮົາ​ຄວນ​ໃຊ້​ເວລາ​ຢູ່​ກັບ​ຄົນ​ທີ່​ຮັກ​ພະ​ເຢໂຫວາ? ເພາະ​ການ​ຄົບຫາ​ຈະ​ສົ່ງ​ຜົນ​ຕໍ່​ເຮົາ​ທັງ​ໃນ​ທາງ​ທີ່​ດີ​ແລະ​ທາງ​ທີ່​ບໍ່​ດີ. (ສຸພາ. 13:20) ໃນ​ຕອນ​ທີ່​ກະສັດ​ໂຢອາຊ​ໃຊ້​ເວລາ​ຢູ່​ກັບ​ມະຫາ​ປະໂລຫິດ​ເຢໂຫຢາດາ ລາວ “ເຮັດ​ການ​ສັດ​ຊື່​ຕໍ່​ຕາ​ພະ​ເຢໂຫວາ.” (2 ຂ່າວ. 24:2) ແຕ່​ຫຼັງ​ຈາກ​ເຢໂຫຢາດາ​ຕາຍ ກະສັດ​ໂຢອາຊ​ກໍ​ປະ​ຖິ້ມ​ພະ​ເຢໂຫວາ​ຍ້ອນ​ການ​ຄົບຫາ​ທີ່​ບໍ່​ດີ.—2 ຂ່າວ. 24:17-19.

ໃນ​ສະຕະວັດ​ທຳອິດ ອັກຄະສາວົກ​ໂປໂລ​ສົມ​ທຽບ​ປະຊາຄົມ​ຄລິດສະຕຽນ​ເປັນ​ຄື​ກັບ “ໂຮງ​ໃຫຍ່ [“ເຮືອນ​ຫຼັງ​ໃຫຍ່,” ລ.ມ.]” ແລະ​ສົມ​ທຽບ​ພີ່​ນ້ອງ​ໃນ​ປະຊາຄົມ​ເປັນ​ຄື​ກັບ “ເຄື່ອງ​ສຳລັບ​ໃສ່” ຫຼື ເຄື່ອງ​ໃຊ້​ໃນ​ເຮືອນ. ເຮົາ​ຈະ​ເປັນ ‘ເຄື່ອງ​ສຳລັບ​ໃສ່​ຄວາມ​ນັບຖື’ ຢູ່​ສະເໝີ​ຖ້າ​ເຮົາ​ຫຼີກ​ລ່ຽງ​ການ​ຄົບຫາ​ກັບ​ຄົນ​ທີ່​ເຮັດ​ໃນ​ສິ່ງ​ທີ່​ພະ​ເຢໂຫວາ​ບໍ່​ມັກ ເຖິງ​ວ່າ​ເຂົາ​ຈະ​ເປັນ​ຄົນ​ໃນ​ຄອບຄົວ​ຫຼື​ໃນ​ປະຊາຄົມ​ກໍ​ຕາມ. (2 ຕີໂມ. 2:20, 21) ດັ່ງ​ນັ້ນ ໃຫ້​ເຮົາ​ເປັນ​ໝູ່​ກັບ​ຄົນ​ທີ່​ຮັກ​ພະ​ເຢໂຫວາ​ແລະ​ກັບ​ຄົນ​ທີ່​ຊ່ວຍ​ເຮົາ​ໃຫ້​ຮັບໃຊ້​ພະອົງ.

ເປີດ​ວິດີໂອ​ຝຶກ​ວິທີ​ປະຕິເສດ​ການ​ຄົບ​ຄົນ​ທີ່​ບໍ່​ດີ (ຍັງ​ບໍ່​ມີ​ໃນ​ພາສາ​ລາວ) ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ເຮົາ​ອາດ​ມີ​ການ​ຄົບຫາ​ທີ່​ບໍ່​ດີ​ໂດຍ​ທີ່​ເຮົາ​ບໍ່​ຮູ້​ຕົວ​ໄດ້​ແນວ​ໃດ?

• ອັນ​ໃດ​ຊ່ວຍ​ພີ່​ນ້ອງ​ຄລິດສະຕຽນ 3 ຄົນ​ໃນ​ວິດີໂອ​ໃຫ້​ປະຕິເສດ​ການ​ຄົບຫາ​ທີ່​ບໍ່​ດີ?

• ຫຼັກ​ການ​ອັນ​ໃດ​ໃນ​ຄຳພີ​ໄບເບິນ​ທີ່​ຊ່ວຍ​ເຈົ້າ​ໃຫ້​ເລືອກ​ການ​ຄົບຫາ​ຢ່າງ​ສະຫຼາດ​ສຸຂຸມ?