ສິ່ງທີ່ມີຄ່າຈາກພະຄຳຂອງພະເຈົ້າ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ໃຊ້ເວັບໄຊ JW.ORG ໃຫ້ຊຳນານ
ເປັນຫຍັງຈຶ່ງສຳຄັນ? ໜັງສືຕ່າງໆທຸກຢ່າງໃນເຄື່ອງມືສຳລັບການສອນຂອງເຮົາເວົ້າເຖິງເວັບໄຊ jw.org. ທີ່ຈິງ ຈຸດປະສົງຫຼັກຂອງນາມບັດ ແລະແຜ່ນພັບທີ່ຊື່ເຮົາຈະຮູ້ຄຳຕອບກ່ຽວກັບຊີວິດໄດ້ຈາກໃສ? ແມ່ນເພື່ອແນະນຳຜູ້ຄົນໃຫ້ເຂົ້າເວັບໄຊຂອງເຮົາ. ເຈົ້າອາດໃຊ້ເວັບໄຊ jw.org ເພື່ອສົ່ງໄຟລຂອງປຶ້ມໃນເຄື່ອງມືສຳລັບການສອນໃຫ້ກັບບາງຄົນໂດຍທາງອີເມວຫຼືສົ່ງລິ້ງກໍໄດ້. ການເຮັດແບບນີ້ເປັນປະໂຫຍດໂດຍສະເພາະເມື່ອເຮົາປະກາດກັບຄົນທີ່ເວົ້າພາສາອື່ນ. ນອກຈາກນັ້ນ ບາງຄົນອາດຖາມຄຳຖາມທີ່ມີຄຳຕອບໃນປຶ້ມຫົວອື່ນເຊິ່ງບໍ່ໄດ້ຢູ່ໃນເຄື່ອງມືສຳລັບການສອນ. ຖ້າເຮົາໃຊ້ເວັບໄຊເກັ່ງ ເຮົາກໍຈະເກີດຜົນຫຼາຍຂຶ້ນໃນວຽກປະກາດ.
ສິ່ງທີ່ຄວນເຮັດ:
-
ໃຊ້ແທັບ “ຄຳສອນຂອງຄຳພີໄບເບິນ.” ສົມມຸດວ່າພໍ່ແມ່ຕ້ອງການຂໍ້ມູນຕື່ມກ່ຽວກັບການລ້ຽງລູກ ໃຫ້ໄປທີ່ຄຳສອນຂອງຄຳພີໄບເບິນ > ຊີວິດຄູ່ແລະຄອບຄົວ.
-
ໃຊ້ແທັບ “ສື່ແລະສິ່ງພິມ.” ສົມມຸດວ່າເຈົ້າປະກາດແບບບໍ່ເປັນທາງການຢູ່ໂຮງຮຽນແລະຢາກເອົາປຶ້ມຄຳຕອບຂອງ 10 ຄຳຖາມທີ່ໜຸ່ມສາວຖາມ ໃຫ້ກັບໝູ່ ໃຫ້ໄປທີ່ສື່ແລະສິ່ງພິມ > ປຶ້ມແລະຈຸນລະສານ.
-
ໃຊ້ແທັບ “ກ່ຽວກັບເຮົາ.” ສົມມຸດວ່າເຈົ້າປະກາດກັບໝູ່ຢູ່ບ່ອນເຮັດວຽກທີ່ຢາກຮູ້ເລື່ອງຄວາມເຊື່ອຂອງເຮົາໂດຍຫຍໍ້ ໃຫ້ໄປທີ່ກ່ຽວກັບເຮົາ > ຄຳຖາມທີ່ພົບເລື້ອຍໆ.
ຂໍໃຫ້ເບິ່ງວິດີໂອໃຊ້ເວັບໄຊ JW.ORG ໃຫ້ຊຳນານ ຈາກນັ້ນ ໃຫ້ພິຈາລະນາວ່າເຈົ້າສາມາດເຂົ້າໄປບ່ອນໃດໃນເວັບໄຊເພື່ອຈະຊ່ວຍ:
-
ຄົນທີ່ບໍ່ເຊື່ອວ່າມີພະເຈົ້າ
-
ບາງຄົນຫາກໍປະສົບກັບເລື່ອງໂສກເສົ້າ
-
ພີ່ນ້ອງທີ່ເຊົາເປັນຜູ້ປະກາດ
-
ຜູ້ທີ່ເຮົາກັບໄປຢາມຢາກຮູ້ວ່າວຽກຂອງເຮົາໄດ້ຮັບການສະໜັບສະໜູນທາງການເງິນແນວໃດ
-
ຄົນຕ່າງປະເທດທີ່ຢາກກັບໄປເຂົ້າຮ່ວມການປະຊຸມຢູ່ປະເທດຂອງຕົວເອງ
