10:25-37

ພະ​ເຍຊູ​ເວົ້າ​ເຖິງ​ຕົວຢ່າງ​ປຽບ​ທຽບ​ນີ້​ເພື່ອ​ຕອບ​ຄຳຖາມ​ທີ່​ວ່າ ‘ຜູ້​ໃດ​ເປັນ​ເພື່ອນ​ບ້ານ​ຂອງ​ຂ້າພະເຈົ້າ ທີ່​ຂ້າພະເຈົ້າ​ຈະ​ຕ້ອງ​ຮັກ​ເໝືອນ​ຮັກ​ຕົວ​ເອງ?’ (ລືກາ 10:25-29) ພະ​ເຍຊູ​ຮູ້​ວ່າ​ປະຊາຄົມ​ຄລິດສະຕຽນ​ຈະ​ຕ້ອງ​ມີ “ຄົນ​ທຸກ​ຊະນິດ” ເຊິ່ງ​ລວມ​ເຖິງ​ຄົນ​ສະມາລີ​ແລະ​ຄົນ​ຕ່າງ​ຊາດ​ນຳ. (ໂຢ. 12:32, ລ.ມ.) ຕົວຢ່າງ​ປຽບ​ທຽບ​ນີ້​ສອນ​ພວກ​ລູກ​ສິດ​ຂອງ​ເພິ່ນ​ວ່າ ເຂົາ​ເຈົ້າ​ຄວນ​ພະຍາຍາມ​ເປັນ​ພິເສດ​ທີ່​ຈະ​ສະແດງ​ຄວາມ​ຮັກ​ຕໍ່​ຄົນ​ອື່ນ ເຖິງ​ວ່າ​ຄົນ​ເຫຼົ່າ​ນັ້ນ​ຈະ​ແຕກຕ່າງ​ກັບ​ເຂົາ​ເຈົ້າ​ກໍ​ຕາມ.

ຖາມ​ຕົວ​ເອງ​ວ່າ:

• ‘ຂ້ອຍ​ຮູ້ສຶກ​ແນວ​ໃດ​ກັບ​ພີ່​ນ້ອງ​ທີ່​ມາ​ຈາກ​ວັດ​ນະ​ທຳ​ທີ່​ແຕກຕ່າງ​ຈາກ​ຂ້ອຍ?

• ຂ້ອຍ​ມັກ​ຄົບຫາ​ແຕ່​ກັບ​ພີ່​ນ້ອງ​ທີ່​ມີ​ບາງ​ຢ່າງ​ທີ່​ຄື​ກັບ​ຂ້ອຍ​ເທົ່າ​ນັ້ນ​ບໍ?

• ຂ້ອຍ​ຈະ​ເປີດ​ໃຈ​ໃຫ້​ກວ້າງ​ໂດຍ​ພະຍາຍາມ​ຮູ້ຈັກ​ກັບ​ພີ່​ນ້ອງ​ຄລິດສະຕຽນ​ທີ່​ມີ​ພູມ​ຫຼັງ​ທີ່​ແຕກຕ່າງ​ຈາກ​ຂ້ອຍ​ໄດ້​ບໍ?’ (2 ໂກ. 6:13)

ມີ​ພີ່​ນ້ອງ​ຄົນ​ໃດ​ແດ່​ທີ່​ຂ້ອຍ​ຈະ​ຊວນ . . .

•  ໄປ​ຮັບໃຊ້​ນຳ​ກັນ

•  ມາ​ກິນ​ເຂົ້າ​ຢູ່​ເຮືອນ

•  ມາ​ນະມັດສະການ​ປະຈຳ​ຄອບຄົວ​ນຳ​ກັນ​ໃນ​ຄັ້ງ​ຕໍ່​ໄປ