ສິ່ງທີ່ມີຄ່າຈາກພະຄຳຂອງພະເຈົ້າ | ລືກາ 8-9
ຕາມເຮົາໄປເຖີ້ນ—ເຮົາຕ້ອງເຮັດອັນໃດ?
ເພື່ອຈະເຮັດໃຫ້ຮອຍໄຖຊື່ ຄົນໄຖນາຕ້ອງບໍ່ສົນໃຈສິ່ງທີ່ຢູ່ຂ້າງຫຼັງ. ຄ້າຍຄືກັນ ຄລິດສະຕຽນຕ້ອງບໍ່ຍອມໃຫ້ສິ່ງຕ່າງໆໃນໂລກທີ່ເຂົາເຈົ້າໄດ້ຖິ້ມໄວ້ຂ້າງຫຼັງມາເຮັດໃຫ້ຫຼົງໄປ.—ຟີລິບ 3:13
ເມື່ອເຮົາປະສົບກັບຄວາມຍາກລຳບາກ ເຮົາມັກຄິດເຖິງ ‘ວັນເກົ່າໆທີ່ມີຄວາມສຸກ’ ເຊິ່ງອາດເປັນຕອນທີ່ເຮົາຍັງບໍ່ໄດ້ເປັນພະຍານພະເຢໂຫວາ. ເມື່ອເຮົາເຮັດແບບນັ້ນ ເຮົາມັກຈະຄິດເຖິງຄວາມສຸກທີ່ເກີນຈິງ ແລະຄິດວ່າບັນຫາໃນອະດີດເປັນເລື່ອງເລັກນ້ອຍ. ນັ້ນຄືສິ່ງທີ່ຊາວອິດສະລາແອນເຮັດຫຼັງຈາກທີ່ເຂົາເຈົ້າອອກມາຈາກເອຢິບ. (ຈົດເຊັນ. 11:5, 6) ຖ້າເຮົາຄິດແຕ່ແບບນັ້ນ ເຮົາຈະຖືກລໍ້ໃຈໃຫ້ກັບໄປໃຊ້ຊີວິດແບບເກົ່າ. ແຕ່ຈະດີກວ່າຫຼາຍຖ້າເຮົາຄິດເຖິງພອນຕ່າງໆທີ່ໄດ້ຮັບໃນຕອນນີ້ ແລະຄິດເຖິງຄວາມສຸກທີ່ເຮົາຈະໄດ້ຮັບໃນອະນາຄົດເມື່ອລາຊະອານາຈັກຂອງພະເຈົ້າປົກຄອງ!—2 ໂກ. 4:16-18
