ນໍ້າໃຈ​ເສຍ​ສະລະ​ຂອງ​ເອຊາອີ​ສົມຄວນ​ທີ່​ຈະ​ຮຽນ​ແບບ. ລາວ​ສະແດງ​ຄວາມ​ເຊື່ອ​ແລະ​ຕອບ​ສະໜອງ​ທັນທີ​ຕໍ່​ຄວາມ​ຈຳເປັນ ເຖິງ​ວ່າ​ບໍ່​ຮູ້​ລາຍ​ລະອຽດ​ທັງ​ໝົດ. (ເອຊາ. 6:8) ເຈົ້າ​ຈະ​ປັບ​ປ່ຽນ​ສະພາບການ​ໃນ​ຊີວິດ​ໄດ້​ບໍ ເພື່ອ​ຮັບໃຊ້​ໃນ​ເຂດ​ທີ່​ຕ້ອງການ​ຜູ້​ປະກາດ​ຫຼາຍ​ກວ່າ? (ເພງ. 110:3) ແນ່ນອນ​ວ່າ​ເປັນ​ເລື່ອງ​ສຳຄັນ​ທີ່​ຈະ “ຄຶດ​ລາຄາ” ຫຼື​ຄ່າ​ໃຊ້​ຈ່າຍ​ຂອງ​ການ​ຍ້າຍ​ແບບ​ນີ້. (ລືກາ 14:27, 28) ເຖິງ​ຢ່າງ​ນັ້ນ​ກໍ​ຕາມ ໃຫ້​ເຕັມ​ໃຈ​ເສຍ​ສະລະ​ເພື່ອ​ຜົນ​ປະໂຫຍດ​ຂອງ​ວຽກ​ປະກາດ. (ມັດ. 8:20; ມໂກ. 10:28-30) ດັ່ງ​ທີ່​ເນັ້ນ​ໃນ​ວິດີໂອ​ຍ້າຍ​ໄປ​ຮັບໃຊ້​ໃນ​ເຂດ​ທີ່​ຕ້ອງການ​ຜູ້​ປະກາດ​ຫຼາຍ​ກວ່າ ພະ​ພອນ​ຕ່າງໆທີ່​ເຮົາ​ໄດ້​ຮັບ​ຈາກ​ການ​ຮັບໃຊ້​ພະ​ເຢໂຫວາ​ມີ​ຫຼາຍ​ກວ່າ​ເມື່ອ​ສົມ​ທຽບ​ກັບ​ການ​ເສຍ​ສະລະ​ອັນ​ໃດ​ກໍ​ຕາມ​ທີ່​ເຮົາ​ໄດ້​ເຮັດ.

• ການ​ເສຍ​ສະລະ​ສ່ວນ​ຕົວ​ແບບ​ໃດ​ທີ່​ຄອບຄົວ​ວິນລຽມ​ໄດ້​ເຮັດ​ເພື່ອ​ຈະ​ຮັບໃຊ້​ໃນ​ເອກົວດໍ?

• ເຂົາ​ເຈົ້າ​ພິຈາລະນາ​ເລື່ອງ​ຫຍັງ​ແດ່​ເມື່ອ​ເລືອກ​ບ່ອນ​ທີ່​ຈະ​ໄປ​ຮັບໃຊ້?

• ເຂົາ​ເຈົ້າ​ໄດ້​ຮັບ​ພະ​ພອນ​ຫຍັງ​ແດ່?

• ເຈົ້າ​ຈະ​ຊອກ​ຂໍ້​ມູນ​ຕື່ມ​ໄດ້​ຈາກ​ໃສ​ກ່ຽວ​ກັບ​ການ​ຮັບໃຊ້​ໃນ​ບ່ອນ​ທີ່​ຕ້ອງການ​ຜູ້​ປະກາດ​ຫຼາຍ​ກວ່າ?

• ໃນ​ຖານະ​ເປັນ​ຄອບຄົວ ເຮົາ​ຈະ​ຂະຫຍາຍ​ວຽກ​ປະກາດ​ໄດ້​ແນວ​ໃດ? (ພກ 8/11 ໜ້າ 4-6)

• ຖ້າ​ເຮົາ​ບໍ່​ສາມາດ​ຮັບໃຊ້​ໃນ​ເຂດ​ທີ່​ຕ້ອງການ​ຜູ້​ປະກາດ​ຫຼາຍ​ກວ່າ ເຮົາ​ຈະ​ຊ່ວຍ​ປະຊາຄົມ​ຂອງ​ເຮົາ​ໃນ​ວິທີ​ໃດ​ແດ່? (ຫ 3/16 ໜ້າ 3-5)