ໃນວັນອັງຄານທີ 11 ເມສາ ຫຼາຍຄົນທີ່ເຊົາປະກາດແລ້ວຈະເຂົ້າຮ່ວມການປະຊຸມອະນຸສອນ. ເຂົາເຈົ້າໄດ້ເລີ່ມແລ່ນແຂ່ງເພື່ອຊີວິດແຕ່ວ່າຊ້າລົງເພາະເຫດຜົນບາງຢ່າງ ໃນຈຸນລະສານຂໍກັບມາຫາພະເຢໂຫວາ (ພາສາໄທ) ເວົ້າເຖິງເຫດຜົນເຫຼົ່ານັ້ນ. (ເຫບ. 12:1) ແຕ່ຄົນທີ່ເຊົາປະກາດຍັງມີຄ່າໃນສາຍຕາພະເຢໂຫວາ ເພາະພະອົງໄດ້ຊື້ເຂົາເຈົ້າດ້ວຍເລືອດຂອງລູກຊາຍພະອົງ. (ກິດ. 20:28; 1 ເປ. 1:18, 19) ເຮົາຈະຊ່ວຍເຂົາເຈົ້າແນວໃດໃຫ້ກັບເຂົ້າມາປະຊາຄົມ?

ຜູ້ເຖົ້າແກ່ໃນປະຊາຄົມຊອກຫາແລະຊ່ວຍເຫຼືອຄລິດສະຕຽນທີ່ເຊົາປະກາດຄືກັບທີ່ຜູ້ລ້ຽງແກະພະຍາຍາມຊອກຫາແກະທີ່ຫຼົງຈາກຝູງ. (ລືກາ 15:4-7) ເລື່ອງນີ້ສະແດງເຖິງຄວາມຮັກຂອງພະເຢໂຫວາ. (ຢເຣ. 23:3, 4) ບໍ່ແມ່ນແຕ່ຜູ້ເຖົ້າແກ່ເທົ່ານັ້ນ ແຕ່ເຮົາທຸກຄົນສາມາດຊ່ວຍຄົນເຫຼົ່ານັ້ນ. ເມື່ອເຮົາພະຍາຍາມສະແດງຄວາມກະລຸນາແລະຮ່ວມຄວາມຮູ້ສຶກ ເຮົາກຳລັງເຮັດໃຫ້ພະເຢໂຫວາພໍໃຈແລະນັ້ນເກີດຜົນທີ່ດີ. (ສຸພາ. 19:17; ກິດ. 20:35) ດັ່ງນັ້ນ ໃຫ້ຄິດເຖິງຄົນທີ່ເຈົ້າສາມາດຊ່ວຍໄດ້ ແລະໃຫ້ເລີ່ມຕັ້ງແຕ່ຕອນນີ້

ເບິ່ງວິດີໂອຊ່ວຍຄົນທີ່ເຊົາປະກາດ ແລະຕອບຄຳຖາມຕໍ່ໄປນີ້:

• ເມື່ອແອບບີພົບກັບພະຍານທີ່ລາວບໍ່ຮູ້ຈັກ ລາວເປັນຝ່າຍລິເລີ່ມແນວໃດ?

• ຖ້າເຮົາກຳລັງຄິດວ່າຈະຊ່ວຍຄົນທີ່ເຊົາປະກາດ ເປັນຫຍັງເຮົາຄວນລົມກັບຜູ້ເຖົ້າແກ່ກ່ອນ?

• ກ່ອນຈະໄປຢາມລໍຣາເທື່ອທີສອງ ແອບບີກຽມຕົວແນວໃດ?

• ເມື່ອພະຍາຍາມຊ່ວຍລໍຣາ ແອບບີສະແດງຄວາມຕັ້ງໃຈ ຄວາມອົດທົນ ແລະຄວາມຮັກແນວໃດ?

• ໃນລືກາ 15:8-10 ເຮົາຮຽນຫຍັງຈາກຕົວຢ່າງປຽບທຽບຂອງພະເຍຊູ?

• ເມື່ອຫຼາຍຄົນພະຍາຍາມຊ່ວຍລໍຣາ ນັ້ນເກີດຜົນດີແນວໃດ?