ໂປໂລແລະສີລາຮ້ອງເພງສັນລະເສີນພະເຈົ້າຕອນຢູ່ຄຸກ. (ກິດ. 16:25) ຕໍ່ມາພີ່ນ້ອງໄດ້ຮ້ອງເພງລາຊະອານາຈັກຕອນຢູ່ຄ້າຍກັກຂັງຊັກເຊັນຮາວເຊັນຂອງພວກນາຊີໃນເຢຍລະມັນ ແລະຕອນຖືກເນລະເທດໄປໄຊບີເຣຍ. ນີ້ສະແດງວ່າເພງມີພະລັງຊ່ວຍຄົນທີ່ພົບຄວາມລຳບາກໃຫ້ກ້າຫານໄດ້.

ອີກບໍ່ດົນ ໃນຫຼາຍພາສາຈະມີປຶ້ມເພງໃໝ່ຊື່ “ຮ້ອງເພງຢ່າງມີຄວາມສຸກ” ເພື່ອສັນລະເສີນພະເຢໂຫວາ. ເຮົາຈະຈື່ເພງເຫຼົ່ານີ້ໄດ້ໂດຍຊ້ອມຮ້ອງຕອນນະມັດສະການຄອບຄົວ (ເອເຟ. 5:19) ເມື່ອພົບຄວາມລຳບາກ ພະລັງບໍລິສຸດຈະຊ່ວຍເຮົາໃຫ້ຈື່ເພງໄດ້. ເພງລາຊະອານາຈັກຊ່ວຍເຮົາໃຫ້ຈົດຈໍ່ໃນຄວາມຫວັງແລະໃຫ້ກຳລັງໃຈເມື່ອພົບຄວາມລຳບາກ. ຕອນອາລົມດີ ເນື້ອເພງທີ່ເສີມສ້າງຈະຊ່ວຍເຮົາໃຫ້ “ຮ້ອງເພງຢ່າງມີຄວາມສຸກ” ເພາະເຮົາມີສະພາບຈິດໃຈທີ່ດີ. (1 ຂ່າວ. 15:16; ເພງ. 33:1-3) ໃຫ້ເຮົາໃຊ້ປຶ້ມເພງນີ້ໃຫ້ເກີດປະໂຫຍດ!

ເບິ່ງວິດີໂອເພງທີ່ເສີມກຳລັງນັກໂທດໃນຄ້າຍກັກກັນ ແລະຕອບຄຳຖາມຕໍ່ໄປນີ້:

• ໃນສະພາບການໃດທີ່ເຮັດໃຫ້ພີ່ນ້ອງໂຟຣດແຕ່ງເພງ?

• ເພງນັ້ນໃຫ້ກຳລັງໃຈພີ່ນ້ອງຢູ່ຄ້າຍກັກຂັງຊັກເຊັນຮາວເຊັນແນວໃດ?

• ໃນສະພາບການທີ່ປະສົບແຕ່ລະມື້ເພງລາຊະອານາຈັກຊ່ວຍເຈົ້າແນວໃດໃຫ້ເຂັ້ມແຂງຂຶ້ນ?

• ເພງລາຊະອານາຈັກເພງໃດແດ່ທີ່ເຈົ້າຢາກຈື່ຂຶ້ນໃຈ?