ຊີວິດຄລິດສະຕຽນ
ເຈົ້າຈະກຽມຕົວສຳລັບການປະຊຸມອະນຸສອນແນວໃດ?
ເລີ່ມຕັ້ງແຕ່ປີນີ້ເຮົາຈະໃຊ້ເວລາຫຼາຍຂຶ້ນໃນການກຽມຕົວເພື່ອລະນຶກເຖິງການຕາຍຂອງພະຄລິດ. ຖ້າການປະຊຸມອະນຸສອນກົງກັບກາງອາທິດກໍຈະບໍ່ມີການປະຊຸມຊີວິດຄລິດສະຕຽນແລະວຽກຮັບໃຊ້. ຖ້າການປະຊຸມອະນຸສອນກົງກັບທ້າຍອາທິດກໍຈະບໍ່ມີຄຳບັນລະຍາຍສາທາລະນະແລະການສຶກສາຫໍສັງເກດການ. ເຈົ້າຈະໃຊ້ເວລາທີ່ມີຫຼາຍຂຶ້ນໃຫ້ເປັນປະໂຫຍດທີ່ສຸດບໍ? ຄືກັບໃນສະຕະວັດທຳອິດ ຕ້ອງມີການຈັດກຽມຫຼາຍສິ່ງສຳລັບໂອກາດທີ່ພິເສດນີ້. (ລືກາ 22:7-13; ວຮ 3/15 ໜ້າ 1) ແຕ່ເຮົາທຸກຄົນຄວນກຽມຫົວໃຈໃຫ້ພ້ອມ. ເຮົາຈະເຮັດແບບນັ້ນໄດ້ແນວໃດ?
-
ຄິດເຖິງວ່າການເຂົ້າຮ່ວມການປະຊຸມນີ້ສຳຄັນແນວໃດ.—1 ໂກ. 11:23-26
-
ອະທິດຖານແລະກວດເບິ່ງວ່າສາຍສຳພັນຂອງເຈົ້າກັບພະເຢໂຫວາເປັນແນວໃດ.—1 ໂກ. 11:27-29; 2 ໂກ. 13:5
-
ອ່ານແລະຄິດຕຶກຕອງຂໍ້ຄຳພີຫຼືບົດຄວາມທີ່ເວົ້າເຖິງຄວາມໝາຍຂອງການປະຊຸມອະນຸສອນ.—ໂຢ. 3:16; 15:13
ຜູ້ປະກາດບາງຄົນອ່ານແລະຄິດຕຶກຕອງຂໍ້ພະຄຳພີໃນໄລຍະການປະຊຸມອະນຸສອນທີ່ຢູ່ໃນປຶ້ມການພິຈາລະນາຂໍ້ພະຄຳພີປະຈຳວັນ. ບາງຄົນຈະອ່ານຂໍ້ຄຳພີທີ່ຢູ່ໃນແຜນພູມທີ່ໃຫ້ມານີ້. ສ່ວນພີ່ນ້ອງຄົນອື່ນໆຈະທົບທວນຫໍສັງເກດການບົດຄວາມທີ່ເວົ້າເຖິງການປະຊຸມອະນຸສອນແລະຄວາມຮັກທີ່ພະເຢໂຫວາແລະພະເຍຊູໄດ້ສະແດງຕໍ່ເຮົາ. ບໍ່ວ່າເຈົ້າຈະໃຊ້ວິທີໃດໃນການສຶກສາ ນັ້ນອາດຈະຊ່ວຍເຈົ້າໃຫ້ໃກ້ຊິດກັບພະເຢໂຫວາແລະລູກຊາຍຂອງພະອົງຫຼາຍຂຶ້ນ.