ຊີວິດຄລິດສະຕຽນ
“ຮູບພະທັງຫຼາຍ . . . ຈົ່ງຖິ້ມເສຍ”
ຢາໂຄບຮູ້ວ່າພະເຢໂຫວາພຽງຜູ້ດຽວທີ່ສົມຄວນໄດ້ຮັບການນະມັດສະການ ເຖິງວ່າພະອົງຈະຍັງບໍ່ໄດ້ອອກກົດໝາຍຫ້າມການຂາບໄຫວ້ຮູບບູຊາ. (ອົບ 20:3-5) ດັ່ງນັ້ນ ຫຼັງຈາກທີ່ພະເຢໂຫວາບອກໃຫ້ຢາໂຄບກັບໄປທີ່ເບດເອນ ລາວກໍໄດ້ສັ່ງໃຫ້ທຸກຄົນທຳລາຍຮູບບູຊາ. ຈາກນັ້ນ ລາວກໍກຳຈັດຮູບບູຊາທັງໝົດລວມເຖິງຕຸ້ມຫູທີ່ອາດໃສ່ເປັນເຄື່ອງລາງຂອງຂັງ. (ຕົ້ນ 35:1-4) ພະເຢໂຫວາພໍໃຈຫຼາຍກັບສິ່ງທີ່ຢາໂຄບເຮັດ.
ໃນທຸກມື້ນີ້ ເຮົາຈະສະແດງໃຫ້ເຫັນແນວໃດວ່າເຮົານະມັດສະການພະເຢໂຫວາພຽງຜູ້ດຽວ? ສິ່ງສຳຄັນຢ່າງໜຶ່ງກໍຄື ເຮົາຕ້ອງບໍ່ໄປຫຍຸ້ງກ່ຽວກັບການຂາບໄຫວ້ຮູບບູຊາຫຼືໄສຍະສາດ. ນີ້ລວມເຖິງການທຳລາຍວັດຖຸສິ່ງຂອງທີ່ກ່ຽວຂ້ອງກັບໄສຍະສາດ ແລະຍັງຕ້ອງກວດເບິ່ງຄວາມບັນເທີງຂອງເຮົານຳ. ຕົວຢ່າງເຊັ່ນ ເຈົ້າອາດຖາມຕົວເອງວ່າ: ‘ຂ້ອຍມັກອ່ານປຶ້ມຫຼືເບິ່ງໜັງທີ່ກ່ຽວຂ້ອງກັບສິ່ງຕ່າງໆເຫຼົ່ານີ້ບໍເຊັ່ນ: ແວມພາຍ (ຜີດູດເລືອດ) ຊອມບີ້ (ຜີດິບ) ຫຼືພະລັງເໜືອທຳມະຊາດ? ຂ້ອຍຖືວ່າຄວາມບັນເທີງທີ່ມີເວດມົນຄາຖາ ຫຼືຄຳສາບເປັນເລື່ອງທີ່ມ່ວນແລະບໍ່ອັນຕະລາຍບໍ?’ ເຮົາຕ້ອງຢູ່ຫ່າງຈາກສິ່ງໃດກໍຕາມທີ່ພະເຢໂຫວາກຽດຊັງ.—ເພງ 97:10
ເບິ່ງວິດີໂອ“ຕໍ່ສູ້ກັບມານ” ແລ້ວຕອບຄຳຖາມຕໍ່ໄປນີ້:
-
ມີບັນຫາຫຍັງເກີດຂຶ້ນກັບນັກສຶກສາຄຳພີໄບເບິນທີ່ຊື່ປາລີຊ່າ?
-
ໃນກໍລະນີທີ່ກ່ຽວຂ້ອງກັບໄສຍະສາດ ເປັນຫຍັງຈຶ່ງເປັນເລື່ອງສະຫຼາດທີ່ຈະຂໍຄວາມຊ່ວຍເຫຼືອຈາກຜູ້ດູແລ?
-
ເຮົາຕ້ອງເຮັດຫຍັງຖ້າເຮົາຢາກໃຫ້ພະເຢໂຫວາປົກປ້ອງ?
-
ປາລີຊ່າໄດ້ຕັດສິນໃຈເຮັດຫຍັງຢ່າງເດັດຂາດ?
-
ເຈົ້າຈະຫຼີກລ່ຽງຈາກອິດທິພົນຂອງພວກປີສາດໄດ້ແນວໃດໃນບ່ອນທີ່ເຈົ້າຢູ່?