Yiɛ e woi maa ʋeli bo. Woo lɛ ya ɣɛna yɛpɛzu e vile faa ɓigii ta va ɔɔ ani ya ɣɛna fai ta wosu e wõini numaitiɛ te kɛ. Ya ɣɛna Gala goi ta lodosu pilegɛi faa wo gaa leve ʋaa va, woo lɛ. Ya woo maa yii ga te wõi ga te wuito ɔɔ ga e dɛ ani tɔ ga duo ʋaa ɔɔ zii-zuuli ʋaa.

Woo lɛ ɔɔ e maa yii. Ya woo lɛ ani ya ɣɛna yɛpɛzu e vile kuuzu nɛɛ ʋaa va ɔɔ e vile ŋɛnii ta liigoi va ɔɔ velei ŋadai ta woozagɛi la. Woo maa yii ga e yɛpɛ e vile maa wõi ʋaa va ɔɔ zii-zuuli ʋaa va.

Yɛpɛ ga maa ʋilea ɔɔ e gaa lei. Yɛpɛ ga maa ʋilea ani ya ɣɛna yɛpɛzu e vile fai ta va ya e wuuzu nɛɛ e vɛɛ numaitiɛ va. Woo ɣaa lei ya ɣɛna yɛpɛzu e vile faa ɓigii tiɛ va.