KALABO 16
Faa Vagɔ Wo, Nii Ya Nu Yii-lɔɔ
Job 16:5
NIITIƐ MAA NƐƐ E KƐ: Faitiɛ numaa te levesu su, yɛpɛ ga tamaa e vile niitiɛ va ya gaa wulo ba. Ya na ɣɛɛna, ya yɛpɛi ɣa numaitiɛ yii zo.
VELEI YA NA ƔƐƐ LA:
-
Ɣi-gaa-ziɛ ga pagɔ e vile taitiɛ va e yɛpɛzu te wɔ. Kwɛ̃ɛ ga, numaitiɛ e yɛpɛzu te wɔ te wõini ɓɔɔ te Jehova yii-mai ɣɛ. Ani ɓalaa e wõni e tɛnɛ fe te ya, maa nɛɛ e tɔɔ-zei ga e te mama e vile faa vagɔitiɛ ɓɔgapɛ ba te kɛɛzu.
-
Mɛlɛ yɛpɛ ga tamaa e vile faa yowũitiɛ va te ɣɛɛzu. Ani kɛni nɔ ya yɛpɛ e vile faa yowũi taniga va ya yɛpɛi zu, yɛpɛ nɔ e vile ba ga tawolo. Na ɣa ɣɛɛna e siɛ tamaa ziɣi ba ga e yɛpɛ e vile niitiɛ va ya numaitiɛ yii-lɔɔ.
-
Maa nɛɛ ya ɣalabogi wulo Gala Kɔlɔi zu. Ɓɔ numaitiɛ va ga te niitiɛ wɛ̃ɛ Jehova kɛɛ, niitiɛ e kɛɛzu zaa, e vɛɛ niitiɛ va e vaazu kɛɛzu de vɛ naa luoi zu. Yɛpɛ e vile niitiɛ va ya numaitiɛ yii zo.