Ɣi-gaa-ziɛ nii ma numaitiɛ te kwɛ̃ni. Ɓɔ te va ga te faa niinɛ maa woli zɛpɛ wũgi zu, velei ɓalaa te zɛpɛ wũgi na mɛniga la.

Ki-daa wodoi taniga wulu ɣaa-ziɛ, na ɣa ɣɛɛna e ɣi-gaa-ziɛ ma. Ani e faa niinɛ ɔɔ ki-daa wodo niinɛ maa zɔlɔ woga, yɛpɛ e vile ba ga e ya yɛpɛi ɣaa wodo ɓɔɔ kala. Siɛ siɣi ba ga e ɣi-gaa-ziɛ ɓɔɔ ya yɛpɛi ma ga pagɔ, na ɣa ɣɛɛna e wɛlɛ velei va pilegɛ la ya yɛpɛ wũgi va.

Niitiɛ e dɛɛzu, zaɓui lɛ e kɛɛ fize wogɛi. Tɛnɛgoitiɛ te Gala Kɔlɔi zu, dɛ ga velei e ɓɔsu la numaa va folo nɛpɛ. Yɛpɛ e vile fai ta va ɔɔ e yɛpɛ e vile po-kɔ̃ɔ-mai taniga va numaitiɛ ta faa maa woli su.