KALABO 3
Velei Gaa-Zaɣa-Kɛɛ Ɣa Ɓɔ La De Va
Mafiyu 16:13-16
NIITIƐ MAA NƐƐ E KƐ: Gaa-zaɣa-kɛɛ vagɔ vili ga e ɓɔ numaitiɛ va ga te wõi ga faitiɛ e vaazu bosu na ɣa ɣɛɛna te wuito. Ɓɔ te va te gaa ɣa ɓɔɔ ga pagɔ na ɣa ɣɛɛna e yɛpɛ e vile faa ɓigii taniga va.
VELEI YA NA ƔƐƐ LA:
-
Ɓɔ numaitiɛ va ga te wõi ga faitiɛ e vaazu bosu na ɣa ɣɛɛna te wuito. Gaa-zaɣa-kɛɛ wo ya kɛ numaitiɛ te ɣi-gaa-ziɛ gaa wotegi ma, na ɣa ɣɛɛna e ɓɔ te va ga te faa lamaa wɛ̃ɛ.
-
Ɓɔ numaitiɛ va ga te zɛpɛ wũgi ɣaa ɣa. Gaa-zaɣa-kɛɛ taniga vili ga e ɓɔ te va te faa ɓigii nii ɣaa ɣa e dɛɛzu ga tiɛ.
-
Ɣaa-ɓaa ga e faa ɓigiitiɛ ɣɛ ɓɔɔ kala. Gaa-zaɣa-kɛɛ taniga vili ga e faa ɓigiitiɛ lɛ. Gaa-zaɣa-kɛɛ vili ga è lɛ faa ɓigii niitiɛ ma è yɛpɛi e vile ba. Na ɣa ɣɛɛna ya ɣɛna ya yɛpɛi laa-wulozu, gaa-zaɣa-kɛɛ vili ga e lɛ niitiɛ ɓɔgapɛ ma e yɛpɛi e vile ba ga te ɣi-zɛ su.
