Gala wõini nuu ɓɔgapɛ ge lɔtɔ ba Gala-felia zu. (Psalm 65:2) Kɛ ɛ lɛ wuito ga Gala-felia pɛ ma. Zunui nii ɛ lɛ ŋazai zoga gaa pagɔ Jehova lɛ wuito ga na Gala-felia ma. (1 Pite 3:7) Jehova lɛ wuitoni Yezɔitiɛ ta Ɣala felia ma siɛgi ta zu ɓɔvɛlaale te ɣɛni faa yowũ ɣɛɛzu. Ɓɔɔɓɔɔ su Gala feli ʋaa ɣa gaa faa ɓi. Kɛ tɔwɔ ani faa yowũ ɣɛɛ nu ɣa wulu ɣaa ʋena na faa yowũi va, Jehova ɣaa wuito na feli woi ma.​—Jɔ̃ 9:31; Te Ɣɛɛ Ʋaitiɛ 3:19 lodo.

Wɛlɛ ʋiliogi nii va É Ɣisu Gala-Felia Te Pɛ Ka Gala Ka Wuito Ma?

Jehova wõini de feli tɔ ɣilekpu, de mɛ lɛ ŋani nɛpɛ feli. Ani da Jehova ʋeli na daa dɛ ga tɔ ɣa é de ɓɛtɛɛ, é gaa da Ɣalagi. (Mafiyu 4:10; 6:9) Tei de gaa faa yowũ ɣɛɛ vea maa nɛɛvɛ de Gala feli Ziizɛ na daa-zeigi zu ɓɔvɛlaale, é zaani de ʋaa ma. (Jɔ̃ 14:6) Jehova lɛ wõini gaa dɔ da Ɣala felia wonɛ kɔlɔ ma diɛ lɛ ma diɛ bo, ɔɔ nɔ ɣɛ gaa de faa gila ma woli diɛ lɛ ma diɛ bo. É wõini da feli na, de kulo ɣigii zu.​—Mafiyu 6:7; Felepaitiɛ 4:6, 7 lodo.

Da Jehova ʋeli na ɓalaa gaa gui zu ɓɔi towaa mɛni. (1 Samuel 1:12, 13) É wõini de feli siɛ nɛpɛ ma. Daa feli subu, kpɔkɔ, ɔɔ daa na laa-mii zu. De feli wɔnɔ ani daa na faa ɓaa su.​—1 Pite 5:7; Mafiyu 15:36 lodo.

Nii é kɛɛ naa ɓai gaa de lɔtɔ Gala ba, tɔɔ ga numaa lamaa tɛ lɛ wõini gaa Gala fai. Fikaa taa ŋɛɛ-wulo-su ɣɛ é vile Gala na kitogitiɛ va ga zii-la ɣa vaazu ɣɛɛzu zui nii ma. (2 Temete 3:1, 4; 2 Pite 3:3, 13) Maa nɛɛvɛ a diɛ wũi ŋada gila gaalɛ-bai zu, nii ɣa kɛ de lo kpã Gala tiizu.​—Hiiɓuluitiɛ 10:24, 25 lodo.

 Taitiɛ te wõini ga Gala, ya te ɣɛɛna gaa ya ziɛ-pulu, ta ɓɔ yiɛ e lɔtɔ Gala ba. Ya liina Jehova Na Seeleitiɛ ta ɣaalɛ-ɓai zu é wɛlɛ é veaitiɛ ta yee-la-mai va, towaa ɓɔ yiɛ ya yee-la-mai zu wɔɔlɔ.​—Loomɛitiɛ 1:11, 12 lodo.

Ya ɣi-gaa-ziɛ na nii ma e maa wolia Gala Kɔlɔi zu towaa ɓɔ yiɛ e lɔtɔ Jehova va. Ɣi-gaa-ziɛ nii ma Jehova vɛɛ kɛɛzu, yɛ wɔnɔ ɣi-gaa-ziɛ na tɛnɛgitiɛ ma, e vɛɛ niitiɛ va e de ɣito ga la. Daa ɣi-gaa-ziɛ na niitiɛ ma e vɛɛ kɛɛzu de vɛ, towaa ɓɔ de va de kwɛ̃ɛ gaa kele-ɣele ka zéea é vɛɛ wõila va.​—1 Temete 4:15, 16; Psalm 1:1-3 lodo.

Ani zee-la-ma ɓɔɔɓɔɔ ka e ya e vile Gala ba yaa zoo e lɔtɔ ba. Zee-la-mai ma ʋaa wulu vɛ ga ʋulu ŋani, maa nɛɛvɛ diɛ kɔ̃nɔ kulo. Daa nii ɣɛ ɣɛ le? Daa nii ɣɛ ani daa ɓɔɔ ɣi-da-wodo zu e vile nii va de maa woli zu.​—Mafiyu 4:4; Hiiɓuluitiɛ 11:1, 6 lodo.

Jehova ɓɛdɛvɛ niitiɛ ma te wõini la. Tɔɔ te maazu vɛtɛ su gaa ta yee-la-mai zu ɓaa, te zɛʋu zɔlɔ wo kwɛ̃ɛ gɛ lɛ ba. (Psalm 91:1, 2, 7-10) Tɔɔ de lɛnɛ su gaa de maa wooza faa nɛpɛ ba ya faa vɛɛ da ŋɛteai va e vɛɛ kuu-zu-nɛɛ va da sɔlɔ wo zéea. Jehova ɣa de ɣalabo su gaa de ŋeteai ɣɛ gaa pagɔ.​—Psalm 73:27, 28; Jĩi 4:4, 8 lodo.