KALABO 8
Zɛɓɛi É Kɛɛ Gala Ge Ɓega Ba Faa Yowũ Yɛ Ɣɛ Gaa Diɛ?
1. Faa yowũ lɔɔ-zeini ɣɛ le?
Gala wõini de kwɛ̃ɛ ga nu ɓuse lɛ zoga ɔ bɔlɔ nuu ɓuse yii-la, naa ɣa é kɛɛ e ɓega de va gaa de ɓɔɔ leʋe ga tawolo
Faa yowũ lɔɔ-zeini zui zu siɛgi ma Seeta zɛɛ ʋaa maa wũgi woni la. Seeta ɣɛni ga Gala ta ɣeelai ta. Kɛ ɛ lɛ loni kpãa gaamai zu. (Jɔ̃ 8:44) É ɣɛni wõini ga daa maalɛɛ nii é Gala tɔ ɣilekpu faa ma. Seeta zɛɛ ʋaa woni ŋaza nu maa wũgi Iivi ma, ɓɔvɛlaale ɛ lɛ ɣɛni wõini na ɔɔ wuito Gala ma na ɣa é kɛɛni é naa ɣaa nɛɛ nɛni gaa na wuito goi ma. Adã vɛɛni Iivi va te goo-mɛni-tala wulo Gala zeéa. Faa yowũi Adã kɛɛni towaa zaa é vaa ga daa-nɔwɔ-wo ɓɔga saa.—Genesis 3:1-6, 19 lodo.
Seeta goo-mɛni-talai lɔɔ-zeini é vile Gala na masadai va, siɛgi ma é ɣɛni la tea Iivi mɛ lɛ wuito Gala ma. Numaa lamaa tɛ lɛ wuito su Gala ma te vile ga Seeta wulu. Nii ɣa é kɛɛ Seeta ɣɛɛga “zui ma masagi”.—Jɔ̃ 14:30; 1 Jɔ̃ 5:19 lodo.
2. É ɣisu faa yowũ ɣɛni Gala kpɛtɛ ŋaniitiɛ te ta nɛpɛ ba?
Gala kpɛtɛ ŋaniitiɛ te pɛ pagɛ. Velei Gala nu ɓuse ɓɔga keelaitiɛ ɓɛtɛɛ la ta zoo te zii-mai ɣɛ. (Deuteronomy 32:4, 5) Velei Jehova de ɓɛtɛɛ la, da yii-ma ziɣi faa pɛ su. Da Jehova yii-mai ɣɛɛ na towaa dɛ ga wõila ɣa de ya faa ma.—Jĩi 1:13-15; 1 Jɔ̃ 5:3 lodo.
3. Zɛɓɛi é kɛɛ Gala ge ɓega ba diɛ laa-nɔwɔ-wo?
Zɛɓɛi é kɛɛ Jehova ɓega ba wũfe ma lala yɛ wo da é ziɣi siɛgi ma Adã ɓɔga Iivi te goo-mɛni-talai wuloni la? É nii ɣɛɛni gaa é dɛ gaa gɔmɛti nɛ pɛ lɛ nuu wulaa faa zu kulai pulu. (Ecclesiastes 7:29; 8:9) Nii ɣa ga gaama ɓɔvɛlaale kwena tiigoi saa é levega gɔmɛti nɛpɛ lɛ zooga ɔɔ kɔɔ, wãlalɔɔ, seeɓɛ, ɔɔ tele-bo-tala luo ɓea.—Jeremiah 10:23; Loomɛitiɛ 9:17 lodo.
Kɛ niitiɛ te yee-zei zu Gala na masadai wu ta wulo ɓɔɔ nuu ma. (Isaiah 48:17, 18) Jehova ɣa saa vaazu nu ɓuse wɔmɛtiitiɛ zu ŋala-ŋala su. Numaitiɛ te wuito su Gala ma, tiɛ ɣa te vaazu yɛ su ŋetea.—Isaiah 11:9; 1 Kɔlĩitiɛ 15:24 lodo.
Wɛlɛ ʋiliogi nii va Zɛɓɛi É Kɛɛ Gala Ge Ɓega Ba Faa Yowũ Yɛ Ɣɛ Gaa Diɛ?
4. Velei Gala zii-lɔi la de ya zɛɓɛi manɛɛ de kɛ?
Seeta bogɛ gaa wõila ɓɔɔɓɔɔ lɛ de ya Jehova ʋaa ma. Ya zoo é dɛ gaa nii ɣa ga zɛɛ ʋaa. Gala ka yii-lɔɔ zu de ya, ɓɔvɛlaale é wõini de dɛ gaa na masadai nɔ ɣa de pulu. Velei da dá ŋeteai ɣɛɛ la towaa dɛ gaa ani de wõini ga Gala nà masadai ɔɔ nu ɓuse wɔmɛtii.—Faa Wuloai Kɛnɛ Ma 12:10; 2 Jɔ̃ 4 lodo.
5. Daa leve ɣɛ le de Gala ɣɛ ga da Masagi?
Velei da dá ŋeteai ɣɛɛ la towaa dɛ ani de yee-zei vɛ Gala na masadai wu
Daa Gala ɣɛ ga da masagi ani da gaama Ɣala felii ma vele ɣaa-ziɛ na e ɣɛ velei é la Gala Kɔlɔi zu. (Jɔ̃ 4:23) Daa ɓeteve Seeta va ani da wulu ɣaa ʋena ʋoo zaɣa ʋaa va, é vɛɛ kɔɔ wɔɔ ʋaa va, è ɣɛ velei Ziizɛ kɛɛni la.—Jɔ̃ 17:14 lodo.
Dɛvelei ɣa zaa kɛɛzu numaa lamaa tiɛ faa yowũ ɣɛ, tiɛ pɛtɛ ga faa vagɔ. Da wulu ɣaa ʋena faa yowũi niitiɛ va, da ziɛ-puluitiɛ é vɛɛ da ɣaalai taniga va taa zili ga diɛ. (1 Pite 4:3, 4) Manɛɛ de yii-ma ziɣi. Niitiɛ wõila te ya Gala faa ma, manɛɛ de te ɣɛ gaa da ziɛ-pulu. Na ɣa ɣɛɛ na de wuito Gala na tɛnɛ pagɔitiɛ ma. Ani da niitiɛ ɣɛɛ na da dɛ ga Seeta ɣa ga zɛɛ ʋaa wo nuu, ɓɔvɛlaale é bogɛ gaa nuu lɛ yɛɛ laa-nɔwɔ-wo su ɔ Jehova yii-mai ɣɛ.—1 Kɔlĩitiɛ 6:9, 10; 15:33 lodo.
Wõilai é Gala zéea de ʋaa ma tɔ dɛɛzu gaa faa yowũi e vɛɛ daa-nɔwɔ-wogi va ta vaazu ɓeazu. Taitiɛ ta dɛ ga zee-la-ma ɣa te ya é vile nii va ta zɛʋui zɔlɔ wo kwɛ̃ɛ gɛ lɛ ba.—Jɔ̃ 3:16 lodo.