YIƐ NUMAA ƔALABO
KALABO 11
Nii Gaa Ɣa Zu Lɛ Ɓaani
Tɛnɛgi: “Ani wa faa ta wo na mawulo-ba lɛ ba.”—1 Kɔl. 14:9.
Nii Ziizɛ Kɛɛni
1. Wɛlɛ ƲILIOGI va, ɔɔ Mafiyu 6:25-27 lodo. Ya na ɣɛɛna e gaa-zaɣa-kɛɛ niitiɛ ɣaa wote:
Zɛɓɛi Da Maa Woli Ziizɛ Na Po-Kɔ̃ɔ-Mai Zu?
2. Ani da numaa ɣalabona ga pagɔ, te ɣi ka ɣɛ nii zu de dɛɛzu ga tiɛ na ɣa ɣɛɛna ta yee zei nii wu da ɣɛ dɛɛzu ga tiɛ.
Vile Ziizɛ Wɔwɔ Wogi Zu
3. Mɛlɛ yɛpɛ ga tamaa. Ɣaazu ɓado nii va wo maa wolizu kɔlɔi zu, mɛlɛ yɛpɛ e vile niitiɛ ɓɔgapɛ ba e kwɛ̃ni e vile zɛpɛ wũgi na va. Ya gaa-zaɣa-kɛɛ wona, yii-lɔɔ manui gaa wote. Ani manui lɛ gaa-zaɣa-kɛɛ ɣaa wotegi wɛ̃ni, ɔɔ nii manui boga lɛ pele ma, gaa-zaɣa-kɛɛ ta ɓalaa bo ga é ɓɔ ba e gaa ɣa. Ani manui ɣa nii ɣaa ɣana e dɛɛzu la, a li zɔi ma.
4. Ɓɔ nui va e kalabosu ga e kwɛ̃ɛ velei kalabo niinɛi vilegɛi la niitiɛ va e maa wolia. Po-kɔ̃ɔ-mai ta ɣa ga, ɔ vɛɛ yɛpɛzu e vile buziɣi-saa-yai va yɛpɛ ga tawolo e vile nii va manui kwɛ̃ni e vile saa vea va.
5. Po-kɔ̃ɔ-ma vagɔ ʋe. Ɔ vɛɛ po-kɔ̃ɔ-mai ta ʋeezu, ɣi-gaa-ziɛ gaa-zaɣa-kɛɛ niitiɛ ma:
-
‘Daavɛ la ga, na lɛ vaazu ɓaazu ga manui gaa ɣa ɓɔɔ ga pagɔ?’
-
‘Po-kɔ̃ɔ-mai nii ɣa vaazu ɓɔsu nui nii va ge kalabosu ga e ɣi-zɛ faa ɓigiitiɛ zu—lɛ nɔ ga e ɣi-zɛ po-kɔ̃ɔ-mai zu?’