ƔAA-ƁAA YIƐ LI WULU
KALABO 7
E Ʋii Mɛlɛ Ɓɛɛ
Tɛnɛgi: “Folo gila kpalaa tɛ lɛ ɓɔlɔni kala-bo-boga va ta woo vagɔi-woga.”—Te Ɣɛɛ Ʋaitiɛ 5:42.
Nii Pɔɔ Kɛɛni
1. Wɛlɛ ƲILIOGI va, ɔɔ Te Ɣɛɛ Ʋaitiɛ 19:8-10 Lodo. Ya na ɣɛɛna e gaa-zaɣa-kɛɛ niitiɛ ɣaa wote:
Zɛɓɛi Da Maa Woli Pɔɔ Na Po-Kɔ̃ɔ-Mai Zu?
2. Maa nɛɛ de ɣaa-ɓaa de siɛ siɣi ba ga de li wulu niitiɛ wɔ ta wõi ga te Gala Kɔlɔi maa woli.
Vile Pɔɔ Wɔwɔ Wogi Zu
3. Ɣaa-ɓaa e li siɛgi ma manui ɣa ɣɛɛ la na pɛlɛi la. Ɣi-gaa-ziɛ gaa-zaɣa-kɛɛ niitiɛ ma: ‘Siɛ sɛɓɛi ɓɔɔ ge vaazu numaa maa zɔlɔ wosu la? Siɛ sɛɓɛi manui ɣa naa maa zɔlɔwo la ga, ga tɔ ge yɛpɛ?’ Ɣaa-ɓaa e li manui wɔ ani ɓalaa siɛgi na lɛ zolowoni e ʋaa ma.
4. Siɛgi lɛ ga manui e vaazu liizu la na. Siɛ nɛpɛ wa wolona yɛpɛzu, siɛgi lɛ ga manui e vaazu liizu na. Ɣaa-ɓaa e li na siɛgi na ma.
5. Ɣi-gaa-ziɛ ga pagɔ e vile manui va. Mɛlɛ ɣi-gaa-ziɛ ga nui nii yiɛ tii lamaa ɣɛ ɔɔ naa ɓai ga è pɛtɛ na pɛlɛi la ɛ lɛ wõini ɔ yee zei Gala goi wu. (1 Kɔl. 13:4, 7) Kɛ tɔ mũ, taitiɛ te wõini ɓɔɔ te Gala Kɔlɔi maa woli ɣaa-ɓaa yiɛ ɓɔ te va.—1 Kɔl. 9:26.
