ƔAA-ƁAA YIƐ LI WULU
KALABO 8
Zii-Lɔi
Tɛnɛgi: “Wõila ɣa ga zii-lɔɔ.”—1 Kɔl. 13:4.
Nii Ziizɛ Kɛɛni
1. Wɛlɛ ƲILIOGI va, ɔɔ Jɔ̃ 7:3-5 ɓɔga 1 Kɔlĩitiɛ 15:3, 4, 7 lodo. Ya na ɣɛɛna e gaa-zaɣa-kɛɛ niitiɛ ɣaa wote:
Zɛɓɛi Da Maa Woli Ziizɛ Na Po-Kɔ̃ɔ-Mai Zu?
2. Maa nɛɛ de ɣɛ ga zii-lɔɔ vea, zaɓui ɣa ga numaa taniga ta siɛ tamaa ziɣi tɔ vɛɛ yee zeizu gaamai wu.
Vile Ziizɛ Wɔwɔ Wogi Zu
3. Pele ɓalaa ɣaa-ziɛ ga e yɛpɛ manui wɔ. Ani manui lɛ ʋaani bu ga ɔ Gala Kɔlɔ maa woli ʋai lɔɔ-zei nɔ gaa ma, mɛlɛ ɓoei da. Ani solowogɛ, ya ʋiliogi ɔɔ kɔlɔ zɛvɛi taniga lɛɛ la ga e kwɛ̃ɛ velei da Gala Kɔlɔi lɛɛ la ga numaa ta velei ya wulo la su-nu-ma.
4. Mɛlɛ te wo-kɔ̃ɔ ɣiini ma. Nu ɓɔgapɛ luo velei ɣa ga tee. Ani ya nui ta ɔɔ nui nii e Gala goo wo ga ma, lɛ wõini ɔ yee-zei Gala Kɔlɔ maa wolai zu ɣaa-ɓaa ga e zaɓui wɛ̃ɛ. E ɣisu kalabogi numaa ta bo gala pɛlɛitiɛ wu, ta ɣa na ɓɔɔ pilegɛi zii va? E ɣisu kaa yɔwɔ̃itiɛ ɔɔ sii yɔwɔ̃itiɛ ta ɓoeizu da? Siɛ fe zeea ga e ɣi-gaa-ziɛ ga pagɔ niitiɛ ma è dɛɛ la, na ɣa ɣɛɛna ga e yee zei nii wu Gala Kɔlɔi boga.
5. Jehova ʋeli ga e ɓɔ e va. Jehova ʋeli ga e ɓɔ e va ki pagɔ ɣɛ e ya e vile manui va na ɣa ɣɛɛna e yɛpɛ ga pagɔ. Jehova ɣaa-zaɣa-kɛ ga e kele-ɣele fe e ya ga e mɛlɛ ɣɛ liizu niitiɛ wɔ tɛ lɛ wõini tɔ Gala Kɔlɔi maa woli.—1 Kɔl. 9:26.