Mazɛvɛ 3
Ŋeteai Lɔɔ-zeizuvɛ Ɣɛni Ɣɛ Le?
Nii nɛpɛgi pagɛi ɣɛ Adã ɓɔga Iivi ʋaa ma, Jehova féeni te ya. Genesis 1:28, NW; Te Ɣɛɛ Ʋaitiɛ 14:17
Jehova ŋaza nu maa wũgi ɓɛtɛni dáa ga Iivi, é fe Adã yá ga ŋaza.
Tei Jehova te ɓɛtɛni, faa yowũ nɛpɛ lɛ ɣɛni te ɣigi ɓɔga te lɔtɔi va.
Te wɔ taa zu ɣɛni ga ŋadai vɛ tɔ na lili ga Idɛ̃. Ziɛ vagɔ ta suo lamaa, na vɛɛ sa sii-zii ŋani vagɔitiɛ va te ɣɛni na. Na ɣɛni ga tulu pagɔi nii ta ɣɛ ma Paleda.
Jehova ɔ́ yɛpɛ te wɔ, yíɛ te ɣalabo. È ɣɛ te wuitoni góo ma, tɔ yɛ zui nii ma Paledai zu wɔlɔ-wɔlɔ ta wɔlɔ-wɔlɔ.
Gulu gila ka é ɣɛni na Gala gé boni te ma ga te mɛ lɛ gaa vai mi. Genesis 2:16, 17, NW
Jehova gulu gila dɛɛni ga Adã ɓɔga Iivi tulugi zu. É te lɛnɛ ga ani ta gaa vai miina, ta za.
Gala ta ɣeelai gila gè goo-mɛni-tala wuloni zéea. Keela yowũi na ɣa dáa ga Seeta. Dáa wɔnɔ ga Dɛvele.
Seeta lɛ ɣɛni wõini Adã ɓɔga Iivi tɔ wuito Jehova ma. Na maʋaa ma, é kɛɛni è ɣɛ kaalii ɣa é ɣɛni yɛpɛzu. É ɣɛ Iivi ma: ‘ani yà gulu vai nii miina, ɛ̀ lɛ zaa. Yà ɣɛ ga Gala kavele.’ Kɛ̀ na ɣɛni ga zɛɛ ʋaa.
You May Also Like
ESSENTIAL BIBLE TEACHINGS
Gala Zui Ɓɛtɛni Zɛɓɛ Ʋaa Ma?
Zui nii de ma gwala vagɛ. Velei Jehova zui ma wooza ga la foloi va, solo wogɛ. Velei kɔnɔ towa ɓize la ga e lite foloi ma pagɛ. Zɛɓɛi e kɛɛni Gala yɛ ɣaa-ɓaa ɓɔɔ ga e zui nii ɓɛtɛ?
