Adã ɓɔga Iivi te duu ɣaani, numaitiɛ te lamaa sa zui ma. Siɛgi na zu, Gala ta ɣeelai taniga te vileni Seeta wulu te goo-mɛni-tala wulo.

Te wuloni gee-zuvɛ te va zui ma. Te zɛbado te nu ɓuse lɔtɔi ziɣi. Tei te na ɣɛɛni, te vile ŋazaitiɛ wulu tiɛ te wulo ga ŋaza. Ŋazai naatiɛ te duu ɣaani te vɛ. Kɛ̀ te leaitiɛ tɛ lɛ ɣɛni ga nu ɓuse ɓɔɔɓɔɔ. Te ɓaazagɛi ɣɛ, te wala zuɓai, te maa yikigɛi, te wãlalɔi.

Faa yowũ ɣɛɛ veaitiɛ te lamani sa zui zu ga ɓolo. Baaboi ɣɛ, ‘nii nɛpɛgi numai naatiɛ tɔ ɣi-gaa-ziɛ ma é ɣɛni nɔ ga faa yowũ.’

Nowa ɣɛni ga nu vagɔ. Jehova boni ma ga tɔ vaazu faa yowũ ɣɛɛ veaitiɛ wũdaa vilisu ga ziɛ-ʋe gwalai.

Gala boni Nowa ma ga é kẽe gwala ɓɛtɛ. É boni wɔnɔ ma ga é ná kaalaitiɛ ɓɔga suo mazii ɓɔgɔpɛ tɛ́ kẽegi zu.

Nowa numaitiɛ lɛnɛni ga ziɛ-ʋegi ɣa vaazu. Kɛ̀ tɛ lɛ wuitoni. Taniga te ɣɛni ʋɔlɔ ŋɛɛzu ma; fikaa tiɛ zili la.

Tei Nowa woloni kẽegi ɓɛtɛzu, é suoitiɛ lɛɛni su.