KALABO 01

Gala Kɔlɔi Ɣa Ɓɔ E Va Ɣɛ Le?

TƐ GÁ

De lamaa de wõini de faa wɛ̃ɛ e vile da ŋeteai va. De wõini de faa wɛ̃ɛ e vile daa-nɔwɔ-wo ba, ta saa, e vɛɛ ŋinaa ŋeteai va. Ɣee nɛpɛ da ɣi-gaa-ziɛ ga velei da de ɓala-ma ʋaa ɣaa wulo la ba, ta velei da kuuzu nɛɛ zɔlɔwo la kaalai zu. Nu lamaa te kwɛ̃ni ga Gala Kɔlɔi ɣa gaa-zaɣa-kɛɛ lamaa ɣaa wote. Tɛnɛ pagɔ ɣa wɔnɔ su ya ɓɔ de va de ŋetea ɣɛ. De pɛ da wulo Gala Kɔlɔi zu-nu-ma.

1. Gaa-zaɣa-kɛɛ taniga ta ga zɛɓɛ Gala Kɔlɔi gaa wotega?

Gala Kɔlɔi gaa-zaɣa-kɛɛ niitiɛ ɣaa wotegɛ: Ŋeteai lɔɔ-zeini ɣɛ le? Zɛɓɛi de ma ŋetea? Zɛɓɛi e kɛɛ numaa te laa-nɔwɔ-wosu? Zɛɓɛi ya ɣɛ ga nu ani ya zaana? Tei de lamaa de wõini ga zii-laa, zɛɓɛi e kɛɛ kɔi lamagɛi zui zu? Zɛɓɛi e vaazu ɣɛɛzu ga zui ŋinaa ŋeteai zu? Gaa-zaɣa-kɛɛ niitiɛ ɣaa wotegɛ Gala Kɔlɔi zu. Numaa lamaa te wuuzu nɛɛvɛ ga tei te ta ɣaa-zaɣa-kɛɛ ɣaa wotegitiɛ vɛtɛga Gala Kɔlɔi zu.

2. Gala Kɔlɔi ɣa ɓɔ de va ɣɛ le kuuzu nɛɛ ɣɛ de ya siɛ nɛpɛ ma?

Gala Kɔlɔi tɛnɛ pagɔ ʋeevɛ de ya. Tɛnɛ ka su ya kɛ kuuzu nɛɛ ɓɔɔɓɔɔ ge ɣɛ kaalai zu. Ani zii-zɛlɛ ka yiɛ tɛnɛ ka Gala Kɔlɔi zu e ʋaa ma. Towa ɓɔ wɔnɔ e va kuuzu nɛɛ ɣɛ e ya ya lii zu. Kɔlɔi nii zu, ya vaazu faa lamaa maa wolizu e vile nii va Gala Kɔlɔi boga e vɛɛ faa lamaa va. Ya vaazu kwɛ̃ɛsu ga “niitiɛ ɓɔgapɛ te Gala Kɔlɔi zu . . . tɔnɔ ɣa ba.”—2 Temete 3:16, NWT.

Kɔlɔi nii lɛ loni Gala Kɔlɔi woga. Tɔ vaazu ɓɔsu yiɛ e Gala Kɔlɔi maa woli. Gé wõini e Gala Kɔlɔi zu woitiɛ lodo te kɔlɔi nii zu. Wɛlɛ wɔnɔ na va ani niitiɛ te Gala Kɔlɔi zu, ta nii e maa wolizu kɔlɔi nii zu ta ga faa gila.

FAA LAMAA MAA WOLI

Wɛlɛ velei Gala Kɔlɔi ɓɔga la numaa taniga va, ta velei Gala Kɔlɔ maa woliai ma ɣaa-nɛɛ la ba. Zaɓui e kɛɛ manɛɛ nui ta ɓɔ e va e Gala Kɔlɔi ɣaa ɣa.

3. Gala Kɔlɔi ɣa pele wulo ga diɛ

Gala Kɔlɔi maʋaa wulovɛ ga laboi nii ya ʋolo ɓɔɔ ga ʋike. Gala Kɔlɔi ɣa ɓɔ de va de deʋe vagɔ wo. Towa ɓɔ de va wɔnɔ de niitiɛ wɛ̃ɛ te vaazu ɣɛɛzu ŋinaa ŋeteai zu.

A Psalm 119:105 lodo, wo gaa-zaɣa-kɛɛ niitiɛ ɣaa wote:

Gala Kɔlɔ wonɛ nui nii ɣɛni ɣi-gaa-ziɛzu ɣɛ le e vile Gala Kɔlɔi va?
Zɛɓɛi e ga yɛdɔ ɣi-gaa-ziɛi e vile Gala Kɔlɔi va?

4. Gala Kɔlɔi ɣa da ɣaa-zaɣa-kɛɛtiɛ ɣaa wote

Ŋaza nu gila boni ga, Gala Kɔlɔi ɓɔni ba e gaa-zaɣa-kɛɛ taniga ɣaa wote e ɣɛni ɣi-gaa-ziɛzu ma. ƲILIOGI nii lɛ ga. Yá wolona, wo gaa-zaɣa-kɛɛ niitiɛ ɣaa wote.

ƲILIOGI: Mɛlɛ Wɔlɔ-Wɔlɔ Ɓe Ba E Ʋii Ɔ Ɓɛɛ! (1:48)

Ʋiliogi nii zu, gaa-zaɣa-kɛɛ zɛɓɛi ŋaza nui nii ɣɛni ɣi-gaa-ziɛzu ma?
Gala Kɔlɔ maa woli ʋai ɓɔni ba ɣɛ le?

Gala Kɔlɔi bogɛ ga gaa-zaɣa-kɛɛ wo fai vagɛ. A Mafiyu 7:7 lodo, wo gaa-zaɣa-kɛɛ niitiɛ ɣaa wote:

Gaa-zaɣa-kɛɛ nɛpɛ ka e ya e wõini Gala Kɔlɔi gaa wote?

5. Gala Kɔlɔi lodo fai ma ɣaa-nɛɛ ɣa ba

Nu lamaa wõini ga Gala Kɔlɔ lodo fai, ɓɔvɛlaale ta wulo su-nu-ma. ƲILIOGI nii lɛ ga. Yá wolona, wo gaa-zaɣa-kɛɛ niitiɛ ɣaa wote.

ƲILIOGI: Gala Kɔlɔ Lodo Fai (2:05)

Ʋiliogi nii zu, nu niinɛi niitiɛ te ɣɛni ɣi-gaa-ziɛzu ɣɛ le e vile kɔlɔ lodo fai va?
Zɛɓɛi e ta ɣi-gaa-ziɛi maa ʋelini e vile Gala Kɔlɔ lodo fai va?

Gala Kɔlɔi ɣa de ɣalabo, e de ɣaa-nɛkpɛ, e ki-to fe de ya. A Loomɛitiɛ 15:4 lodo, wo gaa-zaɣa-kɛɛ nii ɣaa wote:

Zɛɓɛi e ga yɛdɔ ɣi-gaa-ziɛi e vile nii va Gala Kɔlɔi boga, e vile zii-lɔɔ ɓɔga ki-to ba?

6. Numaa ta ɓɔ de va de Gala Kɔlɔi ɣaa ɣa

Numaa ta Gala Kɔlɔi lodo ɓɔɔ yee ma. Na ɓalaa ɣɛɛvɛ, taniga te koni ga Gala Kɔlɔi maa woli ʋai kii-ma ta numaa ɓalaaga towa ɓɔ te va. A Te Ɣɛɛ Ʋaitiɛ 8:26-31 lodo, wo gaa-zaɣa-kɛɛ nii ɣaa wote: