Da faa yowũ ɣɛ, de laa-nɔwɔ-wo, de za ɓɔvɛlaale nu maawũ felegɔi Adã ɓɔga Iivi te goo-mɛni-tala wuloni Gala zeea. a Kɛ nii lɛ dɛɛzu ga ki-to lɛ sa de ya. Jehova Ziizɛ Kolai leveni ga e za de ʋaa ma. Sai nii pele laa laogɛ ga de wũ-maa-wo sɔlɔwo faa yowũi ɓɔga sai ya. Gala Kɔlɔi dɛɛvɛ ga sai Ziizɛ boni towa e ga wũ-maa-wo ŋɛnii. Wũ-maa-wo ŋɛnii ɣa ga nii ya teve ga e nu wũ-maa-wo. Ziizɛ yɛʋui ʋeeni nii maa-wulo-zu lɛ ba ga e de wũ-maa-wo. (Mafiyu 20:​28 lodo.) Siɛgi ma Ziizɛ ʋaani bu ga e za, e pele laa laoni ga de zɛʋui nii zɔlɔwo kwɛ̃ɛ gɛ lɛ ba, nii Adã ɓɔga Iivi te velani ma. Ziizɛ dɛɛni wɔnɔ ga velei wõila la te ya ta Jehova de ʋaa ma. Kalabogi nii ɣa vaazu ɓɔsu de va de kwɛ̃ɛ ga velei da dɛɛ la ga de wuuzu nɛɛvɛ sai nii ʋaa ma Ziizɛ boni de vɛ.

1. Da wulo ɣɛ le Ziizɛ zaa ʋai zu-nu-ma zaa?

Da faa lamaa ɣɛ ya Jehova yii zuuli ɓɔvɛlaale da ga faa yowũ ɣɛɛ vea. Na ma ani da faa yowũ ɣɛɛna, da Jehova ɣaa-zaɣa-kɛ ga e de zu-ʋaa-yɛ Ziizɛ na daa-zeigi zu. De ɣaa-ɓaa ga de mɛlɛ sa ta ɣɛ. Ani da na ɣɛɛna da zoo de lɔtɔ Jehova va siɛ-pulu ɣɛ de yɔɔzu da tɔ. (1 Jɔ̃ 2:1) Gala Kɔlɔi ɣɛ: Kolai ɓalaa zaani faa yowũ ʋaa ma. É na ɣɛɛni wo ʋaa ma, nà wɔ ge kulo-ɣɛɛ wo. Na zu-wulo-zu ɣa ga nii mugi é ga tele-bo tuo-wo nui é zaani de ʋaa ma dai de ga tele-bo tala luo-wo bea. É nii ɣɛɛni ga é va ga wiɛ Gala pɔ.”​—1 Pite 3:​18.

2. Da vaazu wulozu ɣɛ le Ziizɛ zaa ʋai zu-nu-ma ŋinaa ŋeteai zu?

Jehova Ziizɛ leveni ga e yɛʋui ʋe de ʋaa ma: “kɛɛ ʋaa ma nui nɛpɛ yá [Ziizɛ] maʋaa ziɣi ga gaama é mɛ lɛ za, kɛ̀ é zɛʋui nii zɔlɔ wo kwɛ̃ɛ gɛ lɛ ba.” (Jɔ̃ 3:​16) Adã goo-mɛni-tala wuloni Jehova ya. Kɛ faa vagɔi nii Ziizɛ kɛɛni towa e kɛɛ su lɛ saa woozani ga Jehova e faa yowũi niitiɛ ɓɔgapɛ kpea e zui zu. Nii ɣa dɛɛzu ga ani da goo-mɛni kulona Jehova ya, de Ziizɛ zaa ʋai ziɣi ga gaama, da zɛʋui nii maa zɔlɔwo kwɛ̃ɛ gɛ lɛ ba zuu vagɔi zu!​—Isaiah 65:​21-​23.

 FAA LAMAA MAA WOLI

3. Ziizɛ zaa ʋai de wũ-maa- woga faa yowũ ɓɔga sai ya

1. Maa-wulo-zu lɛ ɣɛni Adã va, kɛ e goo-mɛni-tala wuloni Gala zeea, na ɣa e kɛɛ da faa yowũ ɣɛ de za

2. Maa-wulo-zu lɛ ɣɛni Ziizɛ va, e goo-mɛni kuloni Gala zeea, na ɣa e vaazu ɓɔsu de va ga de ɣɛ ga tele-bo tuo wo bea, de zɛʋui nii zɔlɔwo kwɛ̃ɛ gɛ lɛ ba.

4. Nu ɓɔgapɛ ka wulo Ziizɛ zaa ʋai zu-nu-ma

 5. Wũ-maa-wo ŋɛnii ɣa ga faa-nɛɛ kuloai Jehova ya

Jehova na siɛ-puluitiɛ ta ɣi-gaa-ziɛ e vile wũ-maa-wo ŋɛnii va ga faa-nɛɛ Jehova kɛɛ te ʋaa ma. Ga e wɛlɛ ma wo-kɔ̃ɔ-mai ta va, a Galeesiaitiɛ 2:​20 lodo, wo gaa-zaɣa-kɛɛ nii ɣaa wote:

• Pɔɔ dɛɛni ɣɛ le ga ɔ ɣi-gaa-ziɛ e vile wũ-maa-wo ŋɛnii va ga faa-nɛɛ Jehova kɛɛ faa ma?

Siɛgi ma Adã goo-mɛni-talai wuloni, su mɔsɔgi ɣɛni ga saa faa ma e vɛɛ deaitiɛ va. Kɛ Jehova Ziizɛ leveni ga e za ga de zoo de zɛʋui nii zɔlɔwo kwɛ̃ɛ gɛ lɛ ba.

Ya ɣɛna Gala goi niitiɛ lodosu, ɣi-gaa-ziɛ velei va Jehova yii ɣɛni zuulizu la tei Ziizɛ ɣɛni laa-nɔwɔ-wosu. A Jɔ̃ 19:​1-7, 16-18 lodo, wo gaa-zaɣa-kɛɛ nii ɣaa wote:

• Zɛɓɛi e ga ya ɣi-gaa-ziɛi e vile nii va Jehova ɓɔga Ziizɛ te kɛɛ e ʋaa ma?

 NII SA È MAA WOLIA

Ziizɛ zaa ʋai kɛɛ Jehova ɣa da ʋaa yowũitiɛ zu-ʋaa-yɛ. Da zoo wɔnɔ de zɛʋui nii zɔlɔwo kwɛ̃ɛ gɛ lɛ ba.

Ma-ɓigitiɛ

• Zɛɓɛi e kɛɛni Ziizɛ yiɛ za?

• Zɛɓɛi e kɛɛ da ɣɛ tea zɛʋui Ziizɛ feeni fize wogɛi e ɣɛni e ɣɛ velei nɔ Adã na dɛɛ ɣɛni la?

• Ya leve ɣɛ le e wulo Ziizɛ zaa ʋai zu-nu-ma?