Ɣi-gaa-ziɛ duu dee nii ma yiɛ dui maa ɣili ga na li kɔlɔ vɛlɛ wu. Kɛni e na wuo e kwɛ̃ɛ ga seɣei e gilizu na ma pagɛ na ɣa ɣɛɛna maa ɣelevɛ. Towa ɓɔ lopoi va kɔlɔ-su-wodo ɣɛ zeea na ɣa ɣɛɛna numaa ta kwɛ̃ɛ ga dee ɣa ɓɔɔ sosu ga pagɔ. Vele ɣana nɔ de wõila Ɣeea Jehova wõini de ɣɛ la ga maa ɣele vea faa pɛ su. Ani da ɣɛna ga maa ɣele vea, da wulo su-nu-ma na ɣa ɣɛɛna da zoo de Jehova laa-maa-lɛ.

1. Da leve ɣɛ le de ɣɛ ga maa ɣele vea?

Nii ɣa Jehova boga de ma: “A ɣɛ ga nui maa wuai.” (1 Pite 1:​16) Na zu-wulo-zu ɣa ga, manɛɛ de ɣɛ ga maa ɣele vea faa pɛ su. Da dɛ ga da ga maa ɣele vea ani da ɣɛna wuozu siɛ nɛpɛ ma, diɛ da zeɣeitiɛ maa ɣele. Manɛɛ wɔnɔ diɛ da vɛlɛi maa ɣele na ɣa ɣɛɛna ani kpize ŋɛnii ta ɣa de ya diɛ maazu vɛtɛ ga pagɔ. Da vɛɛ ɓalaa de vaitiɛ va ga de Kiĩdɔ̃ Hɔɔgi la ɓɛtɛ. Ani da ɣaa ɓaana diɛ niitiɛ kɛ towa Jehova laa-maa-lɛ.​—2 Kɔlĩitiɛ 6:​3, 4.

2. Tuɓo-veleitiɛ ta ga zɛɓɛ manɛɛ de ɓeteve ba ga de ɣɛ ga maa ɣele vea?

Gala Kɔlɔi bogɛ ga “pagɛ nii nɛpɛ yá de lɔtɔi maa ɓoola ta da ɣi-gaa-ziɛi a de natiɛ wuo ɓɔɔ ma.” (2 Kɔlĩitiɛ 7:1) Na ma da ɣaa-ɓaa ga de ɓeteve nii nɛpɛ ba ya faa vɛɛ de lɔtɔi ɔɔ da ɣi-gaa-ziɛi va. Manɛɛ da ɣi-gaa-ziɛi ɣɛ ga Jehova yii-ma ʋaa. Na ma kɛni da ɣaa-ɓaa ki-gaa-ziɛ yowũ nɛpɛ mɛlɛ ɣɛ de ɣigii zu. (Psalms 104:​34) De ɣaa-ɓaa wɔnɔ de ɣɛ ga maa ɣele vea de yɛpɛ velei zu.​—Kolasaitiɛ 3:8 lodo.

Zɛɓɛi wɔnɔ manɛɛ de ɓɔɔ ɓeteve ba ga de ɣɛ ga maa ɣele vea? Ŋɛni taniga ta faa vɛɛ de lɔtɔi va. Ŋɛnii nii taniga ta ga zigalei, taavagi e vɛɛ sa ŋɛni taniga va. Ani da ɓeteve na natiɛ va, kɔlɔ-su-wodo ɣa ɣɛ de ya. Da dɛ wɔnɔ ga de wuuzu nɛɛvɛ zɛʋui nii ʋaa ma Jehova fea de ya. De mɛlɛ ɣaa-wo ga de luo zɔɔlai, de mɛlɛ wɛlɛ wɔnɔ numaa maa yãka ʋoote va. Na ɣa dɛ ga da ga maa ɣele vea. (Psalms 119:​37; Ɛfɛsɔitiɛ 5:5) Tanisu na ɣa ɓaa ga de ɓe tuɓo-vele yowũi niitiɛ va, kɛ Jehova ɣa ɓɔ de va ga de ɓe te va.​—Isaiah 41:​13 lodo.

FAA LAMAA MAA WOLI

3. Ani da ɣɛna ga maa ɣele vea da Jehova laa-maa-lɛ

Da kwɛ̃ɛ velei Jehova ɣa ɣi-gaa-ziɛ la e vile maa ɣele ʋaa va ani da faa maa wolina e vile tɔgitiɛ va e feeni Yezɔitiɛ ya. A Exodus 19:​10 ɓɔga 30:​17-​19 lodo, wo gaa-zaɣa-kɛɛ niitiɛ ɣaa wote:

• Zɛɓɛi Gala goi niitiɛ te dɛɛzu e vile Jehova na ki-gaa-ziɛi va towa vaana maa ɣele ʋaa wɔ?

• Tuɓo-vele vagɔ zɛɓɛi ya ɓɔ e va ga e ɣɛ ga maa ɣele nu?

Kɛni da ɣaa-ɓaa de siɛ tamaa ziɣi ba ga de ɣɛ ga maa ɣele vea. Kɛ da zoo de ɣɛ ga maa ɣele vea vɛ nɛpɛgi de na ani ɓalaa naʋolo lamaa lɛ de ya. ƲILIOGI nii lɛ ga. Yá wolona, wo gaa-zaɣa-kɛɛ niitiɛ ɣaa wote.

• Ani da da zɔɔlaitiɛ zona ga pagɔ na ɣa ɣɛɛna de ɓɔɔ maa ɣele towa da ɣala goo wotii maa vii ɣɛ le?

4. Ɣaa-ɓaa e tuɓo-vele yowũi yee maazu ɣale

Ani ya ga zigale ɓoale nu ɔɔ ya ga taava tɛɛ nu e kwɛ̃ni ɓɔɔ ga lɛ ga soloya ga e ɓe tuɓo-velei niitiɛ va. Kɛ zɛɓɛi sa ya ɓɔ e va? Ɣi-gaa-ziɛ velei tuɓo-velei nii faa vɛɛzu la e va. A Mafiyu 22:​37-39 lodo, wo wɛlɛ velei zigale ɓoale ʋai ɔɔ taava tɛɛ ʋai ɣa faa vɛɛ la . . .

• manui na siɛ-pului va e te yɔɔzu ta Jehova.

• manui na numaitiɛ ɓɔga baitiɛ va.

Deʋe ɣisu ga e tuɓo-vele yowũi nii yee maazu ɣale. a ƲILIOGI nii lɛ ga.

A Felepaitiɛ 4:​13 lodo, wo gaa-zaɣa-kɛɛ nii ɣaa wote:

• Ani nu ɣa ɣɛna Gala felizu yiɛ Gala Kɔlɔi maa woli na ɣa ɣɛɛna yiɛ li gaalɛ-bai zu na ɣa ɓɔ ba ɣɛ le e na tuɓo-vele yowũi yee maazu ɣale?

 5. Ɣaa-ɓaa e ki-gaa-ziɛ yowũitiɛ ɓɔga tuɓo-vele yowũitiɛ yee maazu ɣale

A Kolasaitiɛ 3:5 lodo, wo gaa-zaɣa-kɛɛ niitiɛ ɣaa wote:

• Da leve ɣɛ le de kwɛ̃ɛ ga ani nu ɣa ɣɛna wɛlɛzu maa yãka ʋoote va, yiɛ maa yãka ʋoote leve nu wɔ ɔɔ yiɛ ɣaa-wo ga tuo zɔɔlai tɔ ga tuɓo-vele yowũ Jehova ɣaazu?

• E ɣisu tɔ ga faa vagɔ ga de ɣi-gaa-ziɛ ga Jehova wõini de ɣɛ ga maa ɣele vea? Zɛɓɛi e kɛɛ yiɛ na wo?

Wɛlɛ nii va ya ɓɔ de va de ki-gaa-ziɛ yowũi yee maazu ɣale. ƲILIOGI nii lɛ ga.

Ziizɛ dɛɛni po-kɔ̃ɔ-mai nii zu ga tɔ ga faa vagɔ ga de ɣɛ ga maa ɣele vea. A Mafiyu 5:​29, 30 lodo, wo gaa-zaɣa-kɛɛ nii ɣaa wote:

• Ziizɛ lɛ ɣɛni dɛɛzu ga de faa yowũ ɣɛ ga ɓɔɔ, kɛ e ɣɛni dɛɛzu ga de ɣaa-ɓaa de ɣɛ ga maa ɣele vea. Zɛɓɛi manɛɛ nu kɛ ga e ɓɔɔ ɓeteve ki-gaa-ziɛ yowũi va? b

Ani ya ɣaa ɓaazu ɓɔɔ ga e ki-gaa-ziɛ yowũi yee maazu ɣale Jehova wuuzu nɛɛvɛ na ʋaa ma. A Psalms 103:​13, 14 lodo, wo gaa-zaɣa-kɛɛ nii ɣaa wote:

• Ani ya ɣaa ɓaazu ga e tuɓo-vele yowũi yee maazu ɣale Gala goi nii ɣa ɓɔ e va ɣɛ le ga e ɣaa-ɓaa?

 NII SA È MAA WOLIA

Da zoo de Jehova yii-la ani da de lɔtɔi, da ɣi-gaa-ziɛi ta de luɓo-velei maa ɣelena.

Ma-ɓigitiɛ

• Zɛɓɛi e kɛɛ e ga faa ɓi ga de ɣɛ ga maa ɣele vea?

• Ya leve ɣɛ le e ɣɛ ga maa ɣele nu?

• Ya leve ɣɛ le e ya ɣi-gaa-ziɛi ɓɔga e luɓo-velei maa ɣele?