Ya leve ɣɛ le e wulo Gala Kɔlɔ maa woliai nii zu-nu-ma?
Tɔɔ-zei ga e wɛlɛ ma-ɓigitiɛ va te na wɔwɔ wuvɛ, ya wolo na ƲILIOGI nii lɛ ga.
MA MAA-WŨGI
Ga e ɣavele ɓɛtɛ kalabo ɣile-giledaitiɛ ʋaa ma, kɔlɔ-laɣa maa wũgi lodo. Gaa-zaɣa-kɛ niitiɛ (A) ɓɔga Gala Kɔlɔ zu woi niitiɛ te wuloai ba leilaa (B) ta ma-ɓigitiɛ lɛɛzu. Kwɛ̃ɛga Gala Kɔlɔ zu woi taniga ta na ponɛi koba ga “dodo.”
ZAAMA ZUVƐ
Woi niitiɛ ponɛi (C) Faa Lamaa Maa Woli wɔwɔ wuvɛ, ta niitiɛ lɛ e vaazu maa wolizu. Baa vekegitiɛ (D) ta ma-ɓigiitiɛ lɛ. A Gala Kɔlɔi zu woitiɛ lodo, wo gaa-zaɣa-kɛɛtiɛ ɣaa wote, na ɣa ɣɛɛ na wo wɛlɛ ʋiliogitiɛ va.
ƲILIOGI ma wologitiɛ ta ʋiliogi niitiɛ lɛ ga yiɛ te woitiɛ zu-wulo-zu ɓɔɔ ga pagɔ. Ʋiliogi taniga zu ya wɛlɛ numaa va e vɛɛ nii va te ɣɛni levesu su. Taniga ta nɔ ga po-kɔ̃ɔ-ma, ta dɛɛzu niitiɛ numaa te levesu su.
A wɛlɛ footeitiɛ va e vɛɛ niitiɛ va ponɛi te wobavɛ (E), na ɣa ɣɛɛna ɣi-gaa-ziɛ ga velei ya gaa-zaɣa-kɛɛ nii ɣaa wote la Numaa Taniga Ta Ɣɛ Tea (F).
MA ƔAA ƁALAGI
Kalabogi laa wulo ga (G) Nii sa è maa wolia e vɛɛ Ma-ɓigitiɛ va. Foloi wa kalabogi laa wulo la ponɛ na. Vɛ ponɛi na ga Ɣaa-ɓaa e nii ɣɛ (H) towa fai ta lɛ ga manɛɛ e ɣaa-ɓaa e kɛ. Wɛlɛ faa lamaa va (I) ki-daa-wodo lamaa ɣa na e vɛɛ ʋilio taniga va ga ya wɛlɛ ba ɔɔ e dodo.
Velei ya Gala Kɔlɔi zu woitiɛ vɛtɛ la
Kɔlɔ vɛlɛ-vɛlɛ 66 ɣa puai kii-ma Gala Kɔlɔi zu. Gala Kɔlɔi ɣaa wɛivɛ su ga ma zɛvɛ felegɔ: Gala Kɔlɔ zu woi niitiɛ te ponɛni Hiiɓulu woi zu (“Deʋe Wɔlɔ-Zaɣagi”) ta Gala Kɔlɔ zu woi niitiɛ te ponɛni Giliki woi zu (“Deʋe Niinɛi”).
Ani ya wɛlɛna Gala Kɔlɔ zu woi ta va ponɛi kɔlɔi nii zu wɛlɛ velei ya kwɛ̃ɛ la, ma maa-wũgi ɣa ga kɔlɔi te ʋaa zu pɔ e Gala Kɔlɔi zu (A), na wulu ɣelei ɣa ga tosovɛ (B), e vɛɛ ma woi ɔɔ ma woitiɛ va (C).
Ani ta ɣɛ na tea Jɔ̃ 17:3 su-wulo-zu ɣa ga, Jɔ̃ na kɔlɔi, toso 17, ma woo 3.
