Kupotisa Batu fa Betele
Lwamimema kuli muto potela liofisi zaluna za mutai, zebizwa Betele. Liofisi zaluna zeñwi linani limiziyamu mi mwakona kuipotisa mwateñi.
Kukalisa Kupota: Mwa linaha zeñata, lutuha lukalisa kupotela liofisi zaluna za mitai kukala la June 1, 2023. Kuli muzibe litaba zeñata mulizeze mutai omubata kupotela. Shangwe musike mwapota haiba mufumanwi ni butuku bwa COVID-19, muikutwa kukula, munani lisupo za libelenge Kamba haiba nemuli bukaufi ni mutu yafumanwi ni butuku bwa COVID-19.
Brazil
Muzibise Cimo Lizazi Lemubata Kupota
Kana muswanela kuzibisa cimo lizazi lemubata kupota pili musika pota kale? Eni. Kuli kusike kwaba ni batu babañata hahulu ni kuli batu baikole kupota, lukupa kuli baenyi kaufela bazibise cimo lizazi lebabata kupota, kusina taba kuli sikwata sebazamaya ni sona sikuma kai.
Haiba hamusika zibisa mutai lizazi lemubata kupota, kana musakona kupota? Haiba hamusika zibisa mutai lizazi lemubata kupota, hakuna kukonahala kuli mupotiswe. Bakeñisa kuli sibaka saluna hasikoni kukwana batu babañata ka nako yeswana, ki basikai feela babakona kupotiswa ka zazi.
Muswanela kufita nako mañi kuli mupotiswe? Kuli kusike kwaba ni batu babañata hahulu, mukupiwa kufita inze kusasiyezi mizuzu ye 30 pili nako yamina ya kupota isika kwana kale.
Mukona kuzibisa cwañi lizazi lemubata kupota? Musine fokubonisizwe kuli “Muzibise Cimo Lizazi la Kupota.”
Hase muketile lizazi lemubata kuyo pota, kana mwakona kucinca kamba kuzibisa mutai kuli hamusa kona kuyo pota? Eni. Musine fokuñozwi kuli “Mubone kamba Mucince Lizazi la Kupota.”
Kucwañi haiba mutai haupotisi batu fa lizazi lemuketile? Muzwelepili kutatubanga fa webusaiti. Mwakona kufumana lizazi leliñwi la kupota kakuli batu fokuñwi bacincanga mazazi a kupota kamba mane bazibisanga mutai kuli habasa kona kupota.
Kupotisa Batu
Kuipotisa Mwa Sibaka Sesibonisa Litaba za Kwamulaho
The Bible—The Book and Its Author (Bibele ni Musimululi Wayona). Sibaka se, sikutekehisa Musimululi wa Bibele, yena Jehova Mulimu, mi sibonisa taba ya butokwa yebulezwi mwa Bibele mutumbi: Mubuso wa Mulimu. Baenyi bakaituta mo Bibele ibukelelizwe ka nako yetelele, kuzwa feela kwamulaho kuto fita mwa mazazi aluna, ni mo Jehova abukelelize litaba zene bañozi bañoli bayona kwa balwanisi bane balikile kulicinca.
Sibaka Sesibonisa Litaba za Kwamulaho. Sibaka se sibonisa mo Jehova afuyaulezi musebezi wa kukutaza ka za Mubuso mwa Brazil ka lilimo zefitelela 120. Baenyi bakaituta za lipatisiso zeezizwe cwanoñu fa zebonisa mone ukalezi musebezi wa kukutaza mwa Brazil ni mone uzwezipili, kusina taba ni twaniso ni nyandiso.