Ka kulikanyisa mutala wa Bakreste ba mwa linako za baapositola, Lipaki za Jehova habana sikwata sa babahulu ba bulapeli ni sikwata sa batu-tu feela mwahalaa bona. Lipaki za Jehova kaufela babakolobelizwe ki likombwa zelumelelwa ki Mulimu mi baeza musebezi wa kukutaza ni kuluta batu Bibele. Lipaki za Jehova baonga-ongilwe mwa liputeho mokunani Bakreste bababato eza 100. Mi mwa puteho ni puteho, baana babahulile kwa moya basebeza sina “baana-bahulu.” (Tite 1:5) Baeza cwalo kusina kulifiwa sesiñwi.