Batili. Lipaki za Jehova balumela kuli Mulimu ki yena yabupile lika kaufela. Kono halulumeli tuto ya kuli lika kaufela nelibupilwe mwa mazazi luli a 6, a lihora ze 24? Kabakalañi? Kakuli kunani mabaka amañata abonisa kuli tuto ya kuli lika kaufela nelibupilwe mwa mazazi luli a 6, a lihora ze 24 hailumelelani ni zeiluta Bibele. Halunyakisiseñi mitala yemibeli yelatelela:

1.   Butelele bwa mazazi a 6 a kubupa lika. Batu babañwi balumela kuli lika kaufela nelibupilwe mwa mazazi luli a 6 anani lihora ze 24. Kono linzwi la “lizazi” lelibulezwi mwa Bibele, likona kutalusa nako yetelele.​—Genese 2:4; Samu 90:4.

2.   Butelele bwa nako yese libile teñi lifasi. Batu babañwi babalumela mwa tuto yeo hape baluta kuli lifasi selibile teñi ka lilimo zeñatanyana. Kono Bibele ibonisa kuli lifasi ni mahalimu nelibupilwe kale pili mazazi a 6 a kubupa lika asikaba teñi. (Genese 1:1) Kabakaleo, Lipaki za Jehova habalwanisi lipatisiso zebaezize ba sayansi zebonisa kuli lifasi selibile teñi ka lilimo zeñata zeeza libilioni.

 Nihaike kuli Lipaki za Jehova balumela kuli lika nelibupilwe, halulwanisi litaba za sayansi. Lulumela kuli litaba za niti za sayansi ni litaba za Bibele zalumelelana.