Kana Mutu Wakona Kuiketela Kutuhela Kuba Yomuñwi wa Lipaki za Jehova?
Eni. Mutu wakona kutuhela kuba mwa kopano yaluna ka linzila zepeli:
Ka kufitisa kupo. Mutu wakona kubulela kamba kuñola liñolo ni kutalusa kuli uikatulezi kuli hasatabela kuzibahala sina yomuñwi wa Lipaki za Jehova.
Ka likezo. Mutu ukona kueza lika zeñwi zekona kubonisa kuli hasatabela kuba yomuñwi wa Lipaki za Jehova. (1 Pitrosi 5:9) Ka mutala, ukona kukala kuswalisana ni bulapeli bobuñwi ni kuzibisa kuli ubata kuzwelapili mwa bulapeli bo.—1 Joani 2:19.
Kono kucwañi haiba mutu atuhela kukutaza kamba kufumaneha kwa mikopano yamina? Kana muunganga kuli mutu yo hasalata kuba mwa bulapeli bwamina?
Batili, halunahanangi cwalo. Kutuhela kuba yomuñwi wa Lipaki za Jehova kamba kuikauhanya, kwashutana ni kufokola mwa tumelo. Hañata, batu babakutezi mwamulaho kamba babatuhezi kueza lika zeñwi za bulapeli basanani tumelo, kono bazwafisizwe feela ki lika zeñwi. Kufita kuambuka batu babacwalo, luezanga molukonela kaufela kubaomba-omba ni kubatiisa. (1 Matesalonika 5:14; Juda 22) Haiba mutu yo utokwa tuso, baana-bahulu mwa puteho batusanga mutu yo kutiisa silikani sahae ni Mulimu hape.—Magalata 6:1; 1 Pitrosi 5:1-3.
Kono baana-bahulu habana maata a kuhapeleza mutu kuzwelapili kuba yomuñwi wa Lipaki za Jehova. Mañi ni mañi unani tukelo ya kuiketela bulapeli bwabata kuswalisana ni bona. (Joshua 24:15) Lulumela kuli batu bababata kulapela Mulimu baswanela kueza cwalo ka kuitatela, kuzwelela kwatasaa pilu.—Samu 110:3; Mateu 22:37.
Hape Mwendi Mwakona Kutabela Litaba Ze
MWAKUKALISEZA LIPUISANO MWA BUKOMBWA
Lipaki za Jehova—Ki Luna bo Mañi?
Batu babañata babata kuziba zeñata ka za Lipaki za Jehova. Muteeleze ku bona bañi habaitalusa.
LIPUZO ZEBUZIWANGA HAÑATA
Kana Lipaki za Jehova ba Ambukanga Batu ba ne ba Banga Mwa Bulapeli Bwa Bona?
Ka linako ze ñwi ku zwisa mutu mwa puteho kwa tokwahala mi kwa kona ku mu tusa ku kutela mwa puteho hape.
LIKALABO KWA LIPUZO ZA BIBELE
Kana Mutu Watokwa Luli Kuba Mwa Bulapeli Bobuñwi?
Kana mutu wakona kuitapelela feela Mulimu anosi?
LIPUZO ZEBUZIWANGA HAÑATA
Kana Nikatokwa Kuba Yomuñwi wa Lipaki za Jehova Haiba Niituta Bibele ni Bona?
Lipaki za Jehova baitutanga Bibele ni batu babañata-ñata mwa lifasi kaufela kusina kulifa sesiñwi. Kono haiba mulumela kuitutanga Bibele ni luna, kana muswanela kuba yomuñwi wa Lipaki za Jehova?
KA ZA LUNA
Mufumanehe Kwa Mukopano
Muzibe litaba ka za mikopano yaluna. Mufumane sibaka sa mikopano sesili bukaufi ni komupila.