Baatuli 5:1-31
5 Ka lona lizazi leo, Debora+ hamoho ni Baraki+ mwanaa Abinoami baopela pina ye:+
2 “Kabakala lindwalume babatuhelezi milili yabona kulepelela mwa Isilaele,
Kabakala batu babaitatezi kuya kwa ndwa,+Mulumbeke Jehova!
3 Hamuteeleze mina malena! Muteye mazebe amina, mina babusi!
Nikaopelela Jehova.
Nikaopelela Jehova milumbeko,+ yena Mulimu wa Isilaele.+
4 Wena Jehova, hane uzwile mwa Seiri,+Hane uzwile mwa naha ya Edomo,Lifasi nelinyanganyize, mi lihalimu lasulula mezi,Malu apoomokisa mezi.
5 Malundu ashengunuka* fapilaa Jehova,+Nihaiba Lilundu la Sinai lashengunuka fapilaa Jehova,+ yena Mulimu wa Isilaele.+
6 Mwa mazazi a Shamigari+ mwanaa Anati,Mwa mazazi a Jaele,+ nekusina batu mwa mikwakwa;Bazamai nebafita mwa tunzila totupotoloha mwa matuko.
7 Ba mwa minzi ya Isilaele nebafelile;Nebafelile, kufitela na Debora+ niyema,Kufitela niyema sina me mwa Isilaele.+
8 Nebaketile milimu yeminca;+Mi kwakena ndwa mwa minyako ya muleneñi.+
Tebe neisa bonwi, kamba lona lilumo,Mwahalaa Maisilaele ba 40,000.
9 Pilu yaka i kwa bazamaisi ba mpi ya Isilaele,+Bane baitatezi kuya hamoho ni sicaba.+
Mulumbeke Jehova!
10 Mina bapahami ba limbongolo zesweu,Mina babainzi fa miseme yeminde ya bwanda,Ni mina babazamaya mwa mukwakwa,Munahanisise misebezi ya Mulimu!
11 Nekuutwahala manzwi a babakela limunanu mezi;Hona ko, nebakandeka likezo zelukile za Jehova,Likezo zelukile za batu bahae mwa minzi ya Isilaele.
Mi cwale batu ba Jehova bashetumukela kwa minyako ya muleneñi.
12 Zuha, zuha wena Debora!+
Zuha, zuha uopele pina!+
Nanuha Baraki!+ Uise batu beuhapile, wena mwanaa Abinoami!
13 Mi cwale bane basiyezi bashetumukela kwa batu babakutekeha;Batu ba Jehova bashetumukela ku na kuto lwanisa babamaata.
14 Nebasimuluhile ku Efraimi, bona baba mwa musindi;*Basweli bakulatelela, wena Benjamine, mwahalaa sicaba sahenu.
Bazamaisi ba mpi nebashetumukile kuzwa ku Makiri,+Mi ku Zabuloni nekuzwile babañola batu babakena mwa mpi.*
15 Babakutekeha mwa lusika lwa Isakare nebali ni Debora,Baraki+ ni yena naali ni Debora, sina Isakare hanaali ni Debora.
Naalumilwe kuya mwa musindi* ka mahutu.+
Ba likwata za lusika lwa Rubeni nebaitekula luli mwa lipilu.
16 Neuineziñi mwahalaa mishimbo yemibeli ya mbongolo,Unze ubateeleza habalizeza mitapi yabona mapaipi?+
Kakuli ba likwata za lusika lwa Rubeni nebaitekula luli mwa lipilu.
17 Giliadi naasiyezi mwabuse bwa Jordani;+Mi Dani, naasiyaleziñi ni lisepe?+
Asere naaitulezi feela fa munanga wa liwate,Mi naasiyezi fa makamba* ahae.+
18 Ba sicaba sa Zabuloni nebaitombozi bupilo bwabona;Ni Nafetali naaezize cwalo,+ mwa libaka zelumbile.+
19 Malena nebatile, bato lwana;Malena ba Kanana kiha balwana+Mwa Taanaki, kwatuko ni mezi a Megido.+
Nebasika ikungela silivera ya babatuzwi.+
20 Linaleli nelilwanile linze lili kwa lihalimu;Nelilwanisize Sisera linze lili mwa mipotoloho yazona.
21 Nukana ya Kishoni yabakukisa,+Nukana yakale, nukana ya Kishoni.
Neuhatikezi babamaata, wena moyo* waka.
22 Mi cwale litaku za lipizi zaliza misindoLipizi zahae za ndwa hane likilita ka lubilo.+
23 Lingeloi la Jehova lali: ‘Mukute Merozi,Mukute babayahile mwateñi,Kakuli nebasika to tusa Jehova,Nebasika to kopana ni babamaata kuli batuse Jehova.’
24 Yafuyozwi hahulu mwahalaa basali ki Jaele+Musalaa Hebere+ wa Mukeni;Ki yena yafuyozwi hahulu mwahalaa basali babapila mwa litende.
25 Sisera naakupile mezi; Jaele amufa mabisi.
Amufa mafi* mwa mukeke omunde omutuna.+
26 Ka lizoho lahae aanga mapo ya tende,Ka lizoho lahae la bulyo aanga sando ya kota.
Mi akokotela Sisera, amutuba toho,Mi apwaca ni kupunya katafunelo kahae.+
27 Sisera naawezi mwa mahutu a Jaele; awa ni kulapalala;Naawezi mwa mahutu a Jaele;Fanaawezi, ki fona fanaabitezwi.
28 Musali anangela mwa lihaulo,Mahe Sisera atalimisisa mwahalaa tubala totuindilwe twa lihaulo,‘Ki kabakalañi koloi yahae hailiyehile kutaha?
Ki kabakalañi misindo ya lipizi za likoloi zahae hailiyehile hahulu cwana?’+
29 Basali bababutali hahulu kwa basali bahae babakutekeha neba mualaba;Mi yena naakutela kuipulelisa, ali:
30 ‘Kubonahala kuli basaikabela zebahapile,Ndwalume yomuñwi ni yomuñwi ufiwa musizana,* kamba mane basizana* bababeli,Lisila lelilombilwe lifiwa Sisera, lisila lelilombilwe,Mwa milala ya bahapi kubeiwa siapalo sa lisila lelikabisizwe, lisila lelilombilwe,Liapalo zepeli zekabisizwe.’
31 Cwale haike lila zahao kaufela lifele kushwa,+ wena Jehova,Kono haike baba kulata babenye sina lizazi halipazula.”
Mi naha yapumula* ka lilimo ze 40.+
Litaluso ze kwatasi
^ Kamba mwendi, “azikinyeha.”
^ Kamba “libala.”
^ Kamba mwendi, “babasweli liitusiso za muñoli.”
^ Kamba “libala.”
^ Kamba “mafuwekelo.”
^ Mubone Litaluso za Manzwi.
^ Kamba “lubibi.”
^ Linzwi ka linzwi, “mba.”
^ Linzwi ka linzwi, “limba.”
^ Kamba “yaba mwa kozo.”