Hosea 4:1-19
4 Hamuutwe linzwi la Jehova, mina sicaba sa Isilaele,Kakuli Jehova uzekisa babayahile mwa naha,+Kabakala kuli hakuna niti, lilato lelisa feli, ni zibo ya kuziba Mulimu mwa naha.+
2 Kukonka za buhata ni bupumi+ ni bubulai+Ni busholi ni bubuki+ liatile,Mi mali asululwa+ ka nako ni nako.
3 Ki lona libaka naha haika lila+Mi babayahile mwateñi kaufela bakayunda;Lifolofolo za mwa naheñi ni linyunywani za mwa mahalimu,Nihaiba zona litapi za mwa liwate, likayunda.
4 “Kono kusike kwaba ni mutu yalwanisa kamba kunyaza,+Kakuli ba sicaba sahenu baswana sina babalwanisa muprisita.+
5 Kabakaleo, ukasitatala ka nako ya musihali,Mi mupolofita ukasitatala hamoho ni wena, inge ka nako ya busihu.
Mi nikakuzisa* maho.
6 Sicaba saka sikakuziswa,* kakuli hakuna zibo.
Kabakala kuli uhanile zibo,+Ni na nika kuhana, kuli usike waba muprisita waka;Mi kabakala kuli ulibezi mulao* wa Mulimu wahao,+Ni na nikalibala bana bahao.
7 Hane banze baata, bazwelapili kunifoseza.+
Nikafetula kanya yabona kuieza maswabi.*
8 Baifepa ka sibi sa sicaba saka,Mi balakaza hahulu bufosi bwabona.
9 Ikaba nto yeswana kwa sicaba ni ku muprisita;Nika bazekisa kabakala linzila zabona,Mi nikatahisa kuli bakutule zezwa mwa likezo zabona.+
10 Bakaca kono habana kukula.+Bakaeza buhule* kono habana kuata,+
Kakuli habasika utwa Jehova.
11 Buhule* ni waine ni waine yencaLifelisa takazo ya kueza sesilukile.*+
12 Sicaba saka sibuza milimu yasona ya kota,Baeza sebabulelelwa ki mulamu wabona;*Kakuli moya wa buhule* wabakelusa,Mi ka buhule* bwabona bahana kuutwa Mulimu wabona.
13 Baezeza matabelo fahalimwaa malundu,+Mi batushaniseza musi wa matabelo fa malundunyana,Mwatasaa likota za oke ni likota za sitorakisi ni likota kaufela zetuna,+Kakuli miluti yazona ki yeminde.
Ki lona libaka bana bahao babasizana habaeza buhule*Ni basali ba bana bahao hababuka.
14 Hanina kuzekisa bana bahao babasizana kabakala buhule* bwabona,Ni kuzekisa basali ba bana bahao kabakala bubuki bwabona.
Kakuli baana balobala ni mahuleMi baeza matabelo ni mahule ba kwa tempele;Batu babacwalo babasina kutwisiso+ bakayunda.
15 Wena Isilaele, niha ueza buhule,*+Juda asike aba ni mulatu.+
Usike wataha kwa Giligali+ kamba kwa Beti-aveni,+Mi usike wakonka, uli: ‘Ka Jehova yapila!’+
16 Kakuli sina komu yenani mahañi, Isilaele ubile ni mahañi.+
Kana cwale Jehova uka balisa sina ngunyana yamuuna mwa mafulisezo amatuna?*
17 Efraimi uswalisana ni milimu ya maswaniso.+
Mumutuhele!
18 Bucwala* bwabona habufela,Baeza buhule.*
Mi babusi* bahae balata hahulu kushubulwa.+
19 Moya uka muapesa* mwa mafufa aona,Mi bakaswaba kabakala matabelo abona.”
Litaluso ze kwatasi
^ Kamba “nikayundisa.”
^ Kamba “tuto.”
^ Kamba “sikayundiswa.”
^ Kamba mwendi, “Bacincanisize kanya yaka ni maswabi.”
^ Kamba “buitamaeli bobumaswe.”
^ Linzwi ka linzwi, “Lifeza pilu.”
^ Kamba “Buitamaeli.”
^ Kamba “tupa ya mulauli.”
^ Kamba “buitamaeli.”
^ Kamba “buitamaeli.”
^ Kamba “buitamaeli.”
^ Kamba “buitamaeli.”
^ Kamba “buitamaeli.”
^ Linzwi ka linzwi, “sibaka sesituna?”
^ Kamba “Bucwala bwa buloto.”
^ Kamba “buitamaeli bobumaswe.”
^ Linzwi ka linzwi, “litebe.”
^ Kamba “uka mufefula.”
