Hosea 5:1-15
-
Katulo yekatela Efraimi ni Juda (1-15)
5 “Mina baprisita,+ hamuutwe taba ye,Muteeleze, mina ba ndu ya Isilaele,Hamuutwe, mina ba ndu ya mulena,Kakuli katulo itaha ku mina;Kakuli mu lilaba kwa Mizipa
Ni kanyandi kakayanduluzwi fahalimwaa Tabore.+
2 Mi bakwenuheli batupwikezi* mwa bubulai,Mi nabalemusa* kaufelaa bona.
3 Efraimi namuziba,Mi ku na, Isilaele hasika ipata.
Kakuli wena Efraimi, uezize buhule;*Isilaele uisilafalize.+
4 Likezo zabona hali bakonisi kukutela ku Mulimu wabona,Kakuli kunani moya wa buhule* mwahalaa bona;+Mi habana taba ni Jehova.
5 Buikuhumuso bwa Isilaele bufile bupaki bwa kumulwanisa;*+Isilaele ni Efraimi basitatalile mwa bufosi bwabona,Mi Juda usitatalile hamoho ni bona.+
6 Nebaile ni mitapi yabona ni likomu zabona kuyo bata Jehova,Kono nebasika mufumana.
Naazwile ku bona.+
7 Habasika sepahala ku Jehova,+Kakuli bapepile bana ba kusili.
Cwale kweli ika bamiza* ni likabelo* zabona.
8 Hamulize lunaka+ mwa Gibea, mulize tolombita mwa Rama!+
Hamuhuwe muhuwo wa ndwa mwa Beti-aveni+—kukulatelela, wena Benjamine!
9 Wena Efraimi, ukaba nto yesabisa mwa lizazi la koto.+
Nizibahalize zekaezahala luli mwahalaa masika a Isilaele.
10 Manduna ba Juda baswana sina batu babasutisa mululwani.+
Nika basululela mabifi aka sina mezi.
11 Efraimi uhatelezwi, utubilwe ka katulo,Kakuli naatundamezi kulatelela sila sahae.+
12 Kabakaleo, neniswana sina lifele ku EfraimiNi sina nto yebolile ku ba ndu ya Juda.
13 Efraimi habona butuku bwahae, ni Juda habona litombo zahae,
Efraimi aya kwa Asiria+ mi aluma linumwana ku mulena yomutuna.
Kono apalelwa kukufolisa,Mi apalelwa kufolisa litombo zahao.
14 Kakuli nikaba sina tau yamwana ku Efraimi,Ni sina tau yemaata* ku ba ndu ya Juda.
Na luli nika batataula ni kuikela;+Nika bashimba, mi hakuna yaka bayangwela.+
15 Nikaikela, nikutele kwa sibaka saka kufitela bakutula zezwa mwa mulatu wabona,Mi bakabata kuli nibashemube.*+
Habakaba mwa ziyezi, baka nibata.”+
Litaluso ze kwatasi
^ Kamba “baikenyize hahulu.”
^ Kamba “nika bakalimela.”
^ Kamba “buitamaeli.”
^ Kamba “buitamaeli.”
^ Linzwi ka linzwi, “fapilaa pata yahae.”
^ Kamba mwendi, “Bakamiziwa mwa kweli iliñwi.”
^ Kamba “masimu.”
^ Kamba “tau yamwana ya bulizi-lizi mwa mulala.”
^ Linzwi ka linzwi, “bakabata pata yaka.”