Isaya 2:1-22
2 Ki ze litaba zanaaboni Isaya mwanaa Amozi ka za Juda ni Jerusalema+
2 Kwa mafelelezo a mazazi,*Lilundu la ndu ya JehovaLikatomwa ka kutiya fahalimwaa malundu,+Mi likapahamiswa fahalimwaa tulundu,Mi macaba kaufela akaya kwateñi ka buñata.+
3 Mi batu babañata bakaya inze bali:
“Hamutahe, lukambamele kwa lilundu la Jehova,Kwa ndu ya Mulimu wa Jakobo.+
Uka luluta linzila zahae,Mi lukazamaya mwa linzila zahae.”+
Kakuli mulao* ukazwa mwa Sione,Mi linzwi la Jehova likazwa mwa Jerusalema.+
4 Ukaatula mwahalaa macabaNi kulukisa* litaba mwahalaa batu babañata.
Bakatula mikwale yabona kuieza malimi a likekeleMi bakatula malumo abona kuaeza licekesi.+
Sicaba hasina kulwanisa sicaba sesiñwi ka mukwale,Mi habasana kuituta ndwa.+
5 Mina ba ndu ya Jakobo, hamutahe,Luzamaye mwa liseli la Jehova.+
6 Kakuli ufulalezi sicaba sahao, bona ba ndu ya Jakobo,+Kabakala kuli baatezwi ki lika zezwa kwa Upa;Baeza mabibo+ sina Mafilisita,Mi baatezwi ki bana ba bazwahule.
7 Naha yabona itezi silivera ni gauda,Mi banani bufumu bobuñata hahulu.
Naha yabona itezi lipizi,Mi banani likoloi zeñata hahulu.+
8 Naha yabona itezi milimu yesina tuso.+
Bakubamela musebezi wa mazoho abona,Bakubamela lika zeezizwe ki minwana yabona.
9 Ka mukwa ocwalo, mutu waitompolola, waikokobeza,Mi haukoni kubaswalela.
10 Kena mwa licwe mi uipate mwa liluliKabakala kusabisa kwa JehovaNi kabakala kanya yahae yetuna.+
11 Meeto a mutu aikankabeka akakokobezwa,Mi buikuhumuso bwa batu bukafokoliswa.*
Mwa lizazi leo, ki Jehova anosi yakapahamiswa.
12 Kakuli leo ki lizazi la Jehova wa limpi.+
Likataha fahalimwaa mutu kaufela yaikankabeka ni yaipahamisa,Fahalimwaa mutu kaufela, ibe yapahamisizwe kamba yakokobelizwe,+
13 Fahalimwaa likota kaufela za sidare za kwa Lebanoni zetelele ni zepahamiNi fahalimwaa likota kaufela za oke za kwa Bashani,
14 Fahalimwaa malundu kaufela amateleleNi fahalimwaa malundunyana kaufela amatelele,
15 Fahalimwaa litawala kaufela zetelele ni mamota kaufela atiile,
16 Fahalimwaa lisepe kaufela za Tareshishi+Ni fahalimwaa lisepenyana kaufela zende.
17 Kuikankabeka kwa mutu kukakokobezwa,Mi buikuhumuso bwa batu bukafokoliswa.*
Mwa lizazi leo, ki Jehova anosi yakapahamiswa.
18 Milimu yesina tuso ikafela kufelelela.+
19 Mi batu bakakena mwa mikoti ya mwa macweNi mwa misima ya mwa mubu,+Kabakala kusabisa kwa JehovaNi kabakala kanya yahae yetuna,+Hakayema ni kutahisa kuli lifasi lingangamiswe ki sabo.
20 Mwa lizazi leo, batu bakaanga milimu yabona yesina tuso ya silivera ni ya gaudaYene baikezelize kuli baikubamelangeMi baka inepela lingeti* ni likampafwa,+
21 Kuli bakene mwa mikoti ya mwa macweNi mwa miandala ya mwa macwe,Kabakala kusabisa kwa JehovaNi kabakala kanya yahae yetuna,Hakayema ni kutahisa kuli lifasi lingangamiswe ki sabo.
22 Mutuhele kusepa batu,Babaswana sina moya o mwa lingo zabona.*
Baka mitusa cwañi?
Litaluso ze kwatasi
^ Kamba “Mwa mazazi a maungulo.”
^ Kamba “tuto.”
^ Kamba “kuhakulula.”
^ Kamba “bukakokobezwa.”
^ Kamba “bukakokobezwa.”
^ Mufuta wa tufolofolo totunyinyani totunani mukwañuli.
^ Kamba “Bao moya obabuyela umwa lingo zabona.”
