Isaya 20:1-6
-
Sisupo ku Egepita ni Etopia (1-6)
20 Ka silimo seo Mulena Sarigoni wa Asiria aluma Taritani* kwa Ashidodi,+ alwanisa Ashidodi ni kuihapa.+
2 Ka nako yeo, Jehova abulela ka Isaya+ mwanaa Amozi, ali: “Zamaya, utubule lisila la saka leli mwa teka yahao, mi utubule makatulo kwa mahutu ahao.” Mi aeza cwalo, azamaya mapunu,* asika tina makatulo.
3 Cwale Jehova ali: “Sina mutangaa ka Isaya hazamaile mapunu, asika tina makatulo ka lilimo zetaalu kuli ibe sisupo+ ni poniso ku Egepita+ ni Etopia,+
4 ni mulena wa Asiria ukazamaisa babahapilwe ba Egepita+ ni ba Etopia, ili bashimani ni baana babahulile, bali mapunu, basika tina makatulo, mi basika apala sesiñwi kwa mainelo, ona mapunu a* Egepita.
5 Mi bakasaba hahulu ni kuswaba kabakala Etopia, yona sepo yabona, ni Egepita, yene baikuhumuseza.*
6 Ka lizazi leo, babayahile fa likamba le, bakali: ‘Hamubone sesiezahezi kwa sepo yaluna, kone lusabezi kuli bayo lutusa ni kululamulela ku mulena wa Asiria! Cwale lukabanduka cwañi?’”
Litaluso ze kwatasi
^ Kamba “muzamaisi wa mpi.”
^ Kamba “asika tina hande ka kukwanelela.”
^ Kamba “ili kuswabisa.”
^ Kamba “yene balakaza bunde bwayona.”
