Jobo 24:1-25
24 “Ki kabakalañi Yamaata Kaufela hasatomi nako?+
Ki kabakalañi baba muziba habasa boni lizazi lahae?*
2 Batu basutisa lisupo za milulwani;+Bauzwa mitapi, mi baiisa mwa mafulisezo abona.
3 Baamuha bana babasina ndataa bona limbongoloMi baamuha mbelwa poho kuli ibe swalele ya sikoloti.+
4 Bakasha babotana, kubazwisa mwa nzila;Babasina yabatusa mwa lifasi baipata haba babona.+
5 Babotana babata lico ka taata sina limbongolo+ za mwa naheñi ze mwa lihalaupa;Babatela bana babona lico mwa lihalaupa.
6 Bakutula mwa masimu a babañwi*Mi babubula mwa masimu a veine a babamaswe.
7 Busihu kaufela balobala mapunu, basina liapalo;+Habana za kuikapesa kuli baisileleze kwa silami.
8 Bakolobiswa ki pula ya mwa malundu;Bakumalela macwe kabakala kutokwa makundamo.
9 Mwana yasina ndatahe upamulwa kwa lizwele;+Mi liapalo za babotana zaangiwa kuli libe swalele ya sikoloti,+
10 Ili kutahisa kuli bazamaye mapunu, basina liapalo,Mi bashwe tala, habanze balwezi makunka a bubeke.
11 Basebeza ka taata mwahalaa mamota a kwa milunda ka nako ya kalengelenge;*Bahatikela litolwana za veine mwa lilubelo za waine, kono bashwa linyolwa.+
12 Babashwa bazwelapili kutonga mwa muleneñi;Babaholofalizwe hahulu babokolola kukupa tuso,+Kono Mulimu haangi taba yeo kuli ki yesaswaneli.*
13 Kunani babalwanisa liseli;+Habalemuhi linzila zalona,Mi habazamayi mwa linzila zalona.
14 Mubulai uzuha isali kakusasana;Ubulaya babasina yabatusa ni babotana,+Mi busihu uyo uzwa.
15 Liito la mubuki lilibelela nako ya swalala,+Uli: ‘Hakuna yaka nibona!’+
Mi uikwahela kwa pata.
16 Ka nako ya lififi bapunya* mandu;Musihali baikwalela.
Habazibi liseli.+
17 Baanga kakusasana sina lififi lelituna;Baziba hande zesabisa zetiswa ki lififi lelituna.
18 Kono bakukiswa kapili ki mezi.*
Sibaka sabona sikakutiwa.+
Habana kukutela kwa masimu abona a veine.
19 Sina linanga ni kalengelenge haliomisa mezi a litwa,Libita* ni lona limiza babaezize sibi!+
20 Mahe* uka mulibala; mabuku aka muca.
Haasana kuhupulwa hape.+
Mi babasika luka bakalobiwa sina kota.
21 Ueza maswe musali wa mumba,Mi unyandisa mbelwa.
22 Mulimu ukaitusisa maata ahae kutimeza babamaata;Niha bakayema, habana kuba ni sepo ya bupilo.
23 Mulimu ubatuhelela kuba ni sepo ni buiketo,+Kono meeto ahae atalimezi lika kaufela zebaeza.*+
24 Bapahamisizwe ka nakonyana feela, kono hasamulaho baba siyo.+
Bakokobezwa+ mi bashwa sina babañwi kaufela;Bapumwa sina makunka a bubeke.
25 Cwale ki mañi yakabonisa kuli ni lihataKamba kuhanyeza linzwi laka?”
Litaluso ze kwatasi
^ Fo kikuli, lizazi lahae la katulo.
^ Kamba mwendi, “bakutula lico za limunanu mwa masimu.”
^ Kamba mwendi, “Bahamula oli mwahalaa mamota a fa mulunda.”
^ Kamba mwendi, “Mulimu hafi mutu mulatu.”
^ Linzwi ka linzwi, “bayepa.”
^ Linzwi ka linzwi, “Unani lubilo fa mezi.”
^ Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.
^ Linzwi ka linzwi, “Mba.”
^ Linzwi ka linzwi, “linzila zabona.”
