Joele 3:1-21
3 “Kakuli hamubone! Mwa mazazi ao ni mwa nako yeo,Hanika kutisa babahapilwe ba Juda ni Jerusalema,+
2 Hape nikakubukanya macaba kaufelaNi kubashetumukiseza mwa Musindi* wa Josafati.*
Nikayo baatulela kwateñi+Kabakala sicaba saka ni Isilaele saanda saka,Kakuli neba bahasanyelize mwahalaa macaba,Mi baikabela naha yaka mwahalaa bona.+
3 Baaba sicaba saka ka loto;+Nebaanga mushimani ni kumucincanisa ni lihuleMi nebalekisa musizana kuli bafiwe waine, banwe.
4 Hape, munani taba mañi ni na,Wena Tire ni Sidoni ni libaka kaufela za Filisita?
Kana mulika kunikutiseza bumaswe?
Haiba mubata kunikutiseza,Nika mikutiseza bumaswe bwamina kapili-pili fahalimwaa litoho zamina.+
5 Kabakala kuli muungile silivera yaka ni gauda yaka,+Mi muisize maluwo aka amande hahulu mwa litempele zamina;
6 Mi mulekisize batu ba mwa Juda ni Jerusalema kwa Magerike,+Ilikuli mubakasheze kwahule ni naha yabona;
7 Hamubone, nitahisa kuli bazwe kwa sibaka kone mubalekisize,+Mi nika mikutiseza bumaswe bwamina fahalimwaa litoho zamina.
8 Nikalekisa bana bamina babashimani ni babasizana kwa sicaba sa Juda,+Mi baka balekisa kwa batu ba kwa Sheba, kwa sicaba sesikwahule;Kakuli Jehova ki yena yabulezi cwalo.
9 Hamuzibise taba ye mwahalaa macaba:+
‘Hamuitukiseze* ndwa! Hamuzuse lindwalume!
Masole kaufela basutelele, balwane!+
10 Mutule malimi a likekele zamina kuaeza mikwale ni licekesi zamina kulieza malumo.*
Yafokola abulele, ali: “Ninani maata.”
11 Hamutahe muto tusa, mina macaba kaufela a mwa matuko, hamukopane hamoho!’”+
Wena Jehova, ushetumukiseze babamaata bahao* kwa sibaka seo.
12 Macaba azuhe mi atahe mwa Musindi* wa Josafati;Kakuli nikaina mwateñi kuatula macaba kaufela a mwa matuko.+
13 Hamukenye cekesi, kakuli lico libuzwize.
Hamutahe muhatikele, kakuli silubelo sa waine sitezi.+
Likotolo zayuboka, kakuli bumaswe bwabona buatile.
14 Kunani batu babañata, batu babañata ba mwa musindi* wa katulo,Kakuli lizazi la Jehova lifakaufi mwa musindi* wa katulo.+
15 Lizazi ni kweli likaunsufala,Mi linaleli halisana kubenyisa hahulu liseli lazona.
16 Mi Jehova ukaluma inzaa li mwa Sione,Ukatumusa kwa linzwi lahae inzaa li mwa Jerusalema.
Mi lihalimu ni lifasi likangangama;Kono Jehova ukaba masabelo a sicaba sahae,+Abe sibaka sa silelezo sa sicaba sa Isilaele.
17 Mi mukaziba kuli ki na Jehova Mulimu wamina, yainzi mwa Sione, lona lilundu laka lelikenile.+
Jerusalema ikaba sibaka sesikenile,+Mi bazwahule* habasana kufita mwateñi.+
18 Ka lizazi leo, malundu akalotisa waine yemunati,+Malundunyana akabubisa mabisi,Mi linukana kaufela za Juda likabuba mezi.
Liweluwelu likazwa mwa ndu ya Jehova,+Mi likaselaela Musindi* wa Likota za Akeshya.
19 Kono Egepita ikafetuha matota,+Mi Edomo ikaba lihalaupa lelili matota,+Kabakala lika zemaswe zene baezize kwa batu ba Juda,+Mwa naha monebasuluzi mali a batu babasina mulatu.+
20 Kono Juda ukayahiwa kamita,Ni Jerusalema ukayahiwa mwa masika kaufela asataha.+
21 Mali abona* ene niinga kuli anani mulatu, nikaanga kuli haana mulatu;+Mi Jehova ukaina mwa Sione.”+
Litaluso ze kwatasi
^ Kamba “Libala.”
^ Lelitalusa “Jehova ki Yena Muatuli.”
^ Linzwi ka linzwi, “Hamukenise.”
^ Kamba “malumo amatelele.”
^ Kamba “lindwalume zahao.”
^ Kamba “Libala.”
^ Kamba “libala.”
^ Kamba “libala.”
^ Kamba “bakusili.”
^ Kamba “Mulapo.”
^ Kamba “mulatu wabona wa kusulula mali.”