Lisamu 104:1-35
104 Kashe nilumbeke Jehova.+
Wena Jehova Mulimu waka, u yomutuna hahulu.+
Uapezi likute* ni kanya.+
2 Uapezi liseli+ sina lisila;Ubapula mahalimu sina lisila la tende.+
3 Ubeya miambeso ya mizuzu yahae ya kwahalimu mwa mezi a kwahalimu,*+Ili kueza malu koloi yahae,+Inzaa zamaya ali fa mafufa a moya ofuka.+
4 Ueza mangeloi ahae kuba mioya,Likombwa zahae ulieza mulilo ociseleza.+
5 Utomile lifasi fa mitomo yalona;+Halina kusutiswa mwa sibaka salona* kuya kuile.+
6 Neuli apesize ka mezi atungile, inge ka lisila.+
Mezi naayemi fahalimwaa malundu.
7 Ka kalimelo yahao, asaba;+Haautwa mulumo wa mushika wahao, amatela ka sabo
8 Kwa sibaka sene ualukiselize.Malundu aumbuka+ mi misindi yaya fafasi.
9 Neutomile mululwani wasaswaneli kutula,+Kuli nikamuta asike akutela kukwahela lifasi hape.
10 Ububiseza mezi a maweluwelu mwa misindi;*Abuba mwahalaa malundu.
11 Afa mezi kwa lifolofolo za mwa naheñi kaufela;Limbongolo za mwa naheñi lifelisa linyolwa lazona.
12 Linyunywani za lihalimu lipumula fahalimwaa ona;Liopelela mwahalaa matali atibani.
13 Uselaela malundu kuzwelela mwa mizuzu yahae ya kwahalimu.+
Lifasi lakula kabakala miselo ya misebezi yahao.+
14 Umeliseza likomu bucwañiMi umeliseza batu limela kuli baitusise,+Kuli balime lico mwa mubu
15 Ni waine yetabisa pilu ya mutu,+Oli yebenyisa pata,
Ni sico sesitiisa pilu ya mutu.+
16 Likota za Jehova likusi,Zona likota za sidare za kwa Lebanoni zanaacezi,
17 Koliyaletela linyunywani.
Ndu ya mombo+ i mwa likota za junipa.
18 Malundu amatelele ki a lipuli za mwa malundu;+Macwe ki masabelo a tumbila.+
19 Uezize kweli kuli ibonise linako zetomilwe;Lizazi laziba hande nako ya kulikela.+
20 Utahisa lififi, mi busihu bwataha,+Ili nako yeli izamaela lifolofolo kaufela za mwa mushitu.
21 Litau zabana* libulumela mbuya yazona+Mi libata sico sazona ku Mulimu.+
22 Lizazi halipazula,Zakuta kuyo lobala mwa misima yazona.
23 Mutu uya kwa musebezi wahae,Mi ubeleka ka taata kufitela manzibwana.
24 Wena Jehova, misebezi yahao ki yemiñata hahulu!+
Kaufelaa yona uiezize ka butali.+
Lifasi litezi zeuezize.
25 Kunani liwate, lelituna hahulu, leliatami,Lelitezi lika zepila zesakoni kubalwa, zenyinyani ni zetuna.+
26 Lisepe lizamaya mwateñi,Ni Leviatani,*+ yene uezize kuli ibapalele mwateñi.
27 Kaufelaa zona lilibelela wenaKuli ulife lico zazona ka nako yateñi.+
28 Likubukanya zeulifa.+
Haufumbutulula lizoho lahao, likula ka lika zende.+
29 Haupata pata yahao, zaziyeleha.
Hauunga moya wazona, zashwa ni kukutela kwa liluli.+
30 Haulumela moya wahao, zabupiwa,+Mi uuncafaza lifasi.
31 Kanya ya Jehova ikaina kuya kuile.
Jehova ukatabela misebezi yahae.+
32 Utalimela lifasi, mi langangama;Uswala malundu, mi atunya musi.+
33 Nikaopelela Jehova+ mwa bupilo bwaka kaufela;Nikaopelela Mulimu waka milumbeko ka nako kaufela ya bupilo bwaka.+
34 Minahano yaka imutabise.*
Nikawabelwa kabakala Jehova.
35 Baezalibi bakayunda mwa lifasi,Mi babamaswe habasana kubateñi.+
Haike nilumbeke Jehova. Mulumbeke Jah!*
Litaluso ze kwatasi
^ Kamba “tompo.”
^ Linzwi ka linzwi, “mwa mezi.”
^ Kamba “Halina kuzikinyeha.”
^ Kamba “milapo.”
^ Kamba “Litau zabana za bulizi-lizi mwa mulala.”
^ Mubone Litaluso za Manzwi.
^ Kamba mwendi, “Zenikengeyela ka zahae libe zende.”
^ Kamba “Halelujah!” “Jah” ki kupumela libizo la Jehova.
