Lisamu 11:1-7
Ku muzamaisi wa lipina. Samu ya Davida.
11 Nisabezi ku Jehova.+
Cwale mukona kunibulelela cwañi kuli:
“Musabele kwa lilundu lamina sina nyunywani!
2 Mubone mobahohela buta bwabona babamaswe;Batoma lisho labona fa muhala wa buta,Kuli mwa lififi bakunupe batu ba lipilu zenani niti.
3 Mitomo* haisinyiwa,Babalukile bakona kuezañi?”
4 Jehova u mwa tempele yahae yekenile.+
Lubona lwa Jehova lu mwa mahalimu.+
Meeto ahae abona, meeto ahae aatona,* atatuba bana ba batu.+
5 Jehova utatuba yalukile ni yamaswe;+Utoile mutu kaufela yalata lindwa.+
6 Ukanelisa malaba* fahalimwaa babamaswe;Mulilo ni sulufula+ ni moya ocisa ki yona kabelo yabona yebaka nwa.
7 Kakuli Jehova ki yalukile;+ ulata likezo zelukile.+
Babanani niti bakabona pata yahae.*+
Litaluso ze kwatasi
^ Kamba “Mitomo ya katulo yelukile.”
^ Kamba “aabenya.”
^ Kamba mwendi, “mashala aatuka.”
^ Kamba “bakashemubiwa ki yena.”
