Lisamu 34:1-22
Samu ya Davida, ka nako yanaaikezize inge yatakana+ fapilaa Abimeleki, yanaa mulelekisize, mi aikela.
א [Aleph]
34 Nikalumbeka Jehova ka nako kaufela;
Mulomo waka uka mulumbeka kamita.
ב [Beth]
2 Nikaitumba ka Jehova;+Babaishuwa bakautwa mi bakataba.
ג [Gimel]
3 Mina ni na lububeke Jehova hamoho;+Alutumiseñi libizo lahae hamoho.
ד [Daleth]
4 Nenibuzize Jehova, mi anialaba.+
Anilamulela ku zenee nisabisa kaufela.+
ה [He]
5 Lipata za bane batalimezi ku yena zabenya;Lipata zabona nelisa koni kuswaba.
ז [Zayin]
6 Wa mayemo a kwatasi abiza, mi Jehova autwa.
Amulamulela kwa liziyezi zahae kaufela.+
ח [Heth]
7 Lingeloi la Jehova lisileleza* baba musaba,+Mi labalamulela.+
ט [Teth]
8 Mulwaze mi mukaiponela kuli Jehova ki yomunde;+Tabo ki ya mutu yasabela ku yena.
י [Yod]
9 Musabe Jehova, mina kaufela babakenile bahae,Kakuli baba musaba hakuna sebatokwile.+
כ [Kaph]
10 Nihaiba litau zabana* zemaata lilapile,Kono bababata Jehova hakuna sesinde sebaka tonda.+
ל [Lamed]
11 Amutahe, bana baka, muniteeleze;Nika miluta kusaba Jehova.+
מ [Mem]
12 Ki mañi mwahalaa mina yatabela bupilo,Yalata ku bona mazazi amande amañata?+
נ [Nun]
13 Fohe, usabise lulimi lwahao ku zemaswe,+Usabise mulomo wahao kwa kubulela bupumi.+
ס [Samekh]
14 Utuhele kueza zemaswe mi ueze zende;+Ubate kozo mi uitundamene.+
ע [Ayin]
15 Meeto a Jehova atalimezi babalukile,+Mi mazebe ahae ateeleza mihuwo yabona ya kukupa tuso.+
פ [Pe]
16 Kono pata ya Jehova ilwanisa babaeza zemaswe,Kuli kuhupulwa kwabona kutakulwe mwa lifasi.+
צ [Tsade]
17 Babalukile nebahuwelelize mi Jehova abautwa;+Abalamulela kwa liziyezi zabona kaufela.+
ק [Qoph]
18 Jehova ufakaufi ni babalobehile lipilu;+Upilisa babaswabile.*+
ר [Resh]
19 Manyando* a mutu yalukile ki amañata,+Kono Jehova umulamulela ku ona kaufela.+
ש [Shin]
20 Usileleza masapo ahae kaufela;Hakuna nihaiba lililiñwi ku ona lelilobehile.+
ת [Taw]
21 Kozi ikabulaya babamaswe;Babatoile babalukile bakafiwa mulatu.
22 Jehova uliulula bupilo* bwa batanga bahae;Hakuna yakafiwa mulatu ku babasabela ku yena kaufela.+
Litaluso ze kwatasi
^ Kamba “litomile mafulo alona kupotoloha.”
^ Kamba “litau zabana za bulizi-lizi mwa mulala.”
^ Kamba “babazwafile.”
^ Kamba “Liziyezi.”
^ Kamba “moyo.”
