Lisamu 50:1-23
Samu ya Asafi.+
50 Mulimu wa milimu, yena Jehova,+ ki yena yabulezi;Ubiza lifasiKuzwa kwa mapazulelo kuisa kwa malikelelo.*
2 Mulimu ubenya kuzwelela mwa Sione, ya bunde bobupetahalile.+
3 Mulimu waluna ukataha mi haakoni kukuza feela.+
Fapilaa hae kuinzi mulilo ociseleza,+Mi mwa matuko ahae kumupotoloha, kufuka liñungwa lelituna.+
4 Ubiza mahalimu ni lifasi,+Kuli aatule sicaba sahae, uli:+
5 “Mukubukanyeze ku na babasepahala baka,Bona babaeza tumelelano ni na ka sitabelo.”+
6 Mahalimu azibahaza kuluka kwahae,Kakuli Mulimu ki yena Muatuli.+ (Selah)
7 “Muteeleze, mina sicaba saka, mi nikabulela;Wena Isilaele, nikafa bupaki bobu kutama.+
Ki na Mulimu, Mulimu wahao.+
8 Hani kukalimeli kabakala matabelo ahao,Kamba kabakala linubu zahao za kucisa zefiwa mutumbi, ze fapilaa ka kamita.+
9 Hanitokwi kuunga poho kwa ndu yahao,Kamba kuunga lipuli* mwa milaka yahao.+
10 Kakuli folofolo kaufela ya mwa naheñi ki yaka,+Nihaiba libatana ze fa malundu kaufela.
11 Naziba nyunywani kaufela ya kwa malundu;+Lifolofolo za mwa naheñi zesakonwi kubalwa ki zaka.
12 Kambe nishwile tala, nenisike nakubulelela,Kakuli naha ni ze ku yona kaufela ki zaka.+
13 Kana nikaca nama ya lipohoNi kunwa mali a lipuli?+
14 Ufitise buitumelo sina sitabelo sahao ku Mulimu,+Mi ueze zeuitamile ku Yapahami ka Kufitisisa;+
15 Unibize ka nako ya ziyezi.+
Nika kulamulela, mi uka nikanyisa.”+
16 Kono Mulimu ukabulelela yamaswe kuli:
“Unani tukelo mañi kuli utaluse litaelo zaka+Kamba kubulela za tumelelano yaka?+
17 Kakuli utoile kalimelo,*Mi uzwelapili kufulalela manzwi aka.*+
18 Haubona lisholi, utabela likezo zalona,*+Mi uzwelapili kueza siango ni babuki.
19 Uitusisa mulomo wahao kwa kuhasanya zemaswe,Mi bupumi bu kwa lulimi lwahao.+
20 Waina ni kubulela maswe mwanahabo wena;+Upatulula bufosi* bwa mwanaa maho tota.
21 Hane uezize lika ze, nenikuzize feela,Kabakaleo, neuhupula kuli nikaswana feela sina wena.
Kono cwale nika kukalimela,Mi nika kubulelela zeufosize.+
22 Namikupa, mulemuhe taba yeo, mina babalibala Mulimu,+Kuli nisike namitataula kusina yamilamulela.
23 Yafitisa buitumelo sina sitabelo sahae, wanikanyisa,+Mi yalatelela nzila yelukile,Nika mubonisa kupilisa kwa Mulimu.”+
Litaluso ze kwatasi
^ Kamba “Kuzwa kwa upa kuya kwa wiko.”
^ Linzwi ka linzwi, “lipuli zabaana.”
^ Linzwi ka linzwi, “kunepela manzwi aka kwamulaho wahao.”
^ Kamba “tuto.”
^ Kamba mwendi, “waswalisana ni lona.”
^ Kamba “Usinya libizo.”
