Lisamu 97:1-12
97 Jehova seli Mulena!+
Lifasi litabe.+
Lioli, mwa buñata bwazona, liwabelwe.+
2 Malu ni lififi lelituna limupotolohile;+Kuluka ni katulo yelukile ki zona mutomo wa lubona lwahae.+
3 Mulilo uzamaya fapilaa hae+Mi ucisa lila zahae mwa maneku kaufela.+
4 Mamonyi ahae abenyisa liseli mwa naha;Lifasi laabona mi langangama.+
5 Malundu ashengunuka inge bulota fapilaa Jehova,+Fapilaa Mulena wa lifasi kamukana.
6 Mahalimu azibahaza kuluka kwahae,Mi macaba kaufela aiponela kanya yahae.+
7 Kaufela babasebeleza maswaniso a kubeta baswabe,+Bona babaitumba ka milimu yabona yesina tuso.+
Mumukubamele,* mina milimu kaufela.+
8 Sione wautwa mi wawabelwa;+Litolopo* za Juda litabileKabakala likatulo zahao, wena Jehova.+
9 Kakuli wena Jehova, ki wena Yapahami ka Kufitisisa fahalimwaa lifasi kaufela;Ki wena yapahami kufita milimu yemiñwi kaufela.+
10 Mina babalata Jehova, mutoye bumaswe.+
Usileleza bupilo* bwa babasepahala bahae;+Ubalamulela mwa mazoho* a babamaswe.+
11 Liseli libenyelize babalukile+Mi ba lipilu zenani niti batabile.
12 Mutabe kabakala Jehova, mina babalukile,Mi mulumbeke libizo lahae lelikenile.
Litaluso ze kwatasi
^ Kamba “Mumulapele.”
^ Linzwi ka linzwi, “Bana babasizana.”
^ Kamba “moyo.”
^ Kamba “maata.”
