Malilo 1:1-22
א [Aleph]*
1 Cwale seuli unosi, ona muleneñi one utezi batu!+
Seuli sina mbelwa, muleneñi one unani batu babañata mwahalaa macaba!+
Muleneñi one ukutekeha mwahalaa liprovinsi* seueza misebezi ya kuhapelezwa!+
ב [Beth]
2 Ulila hahulu busihu,+ mi miyoko yahae ikwahela malama ahae.
Hakuna nihaiba alimuñwi kubaba mulata kaufela yaliteñi kuli amuomba-ombe.+
Balikani bahae kaufela bamubetekile;+ bafetuhile lila zahae.
ג [Gimel]
3 Juda uisizwe mwa buhapiwa+ kuyo nyandiswa ni kukenywa mwa butanga bobutata.+
Unani kupila mwahalaa macaba;+ hafumani mapumulelo.
Baba munyandisa kaufela bamutahezi ka nako yaziyelehile.
ד [Daleth
4 Linzila zeya kwa Sione li mwa maswabi, bakeñisa kuli hakuna yataha kwa mukiti.+
Minyako yahae kaufela isinyehile;+ baprisita bahae batonga.
Balyanjo* bahae ba mwa maswabi, mi yena uutwa hahulu butuku.
ה [He]
5 Lila zahae selili malenaa hae;* lila zahae lipila mwa buiketo.+
Kakuli Jehova umutahiselize maswabi kabakala milatu yahae yemiñata.+
Bana bahae baisizwe mwa buhapiwa fapilaa lila zahae.+
ו [Waw]
6 Kanya kaufela izwile ku mwanaa musizana wa Sione.+
Manduna bahae baswana sina mazwii aasika fumana mafulelo,
Mi bazamaya bakatezi fapilaa ya bamatisa.
ז [Zayin]
7 Mwa mazazi a manyando ahae ni kutokwa maino, Jerusalema uhupulaLika kaufela za butokwa zeneli zahae mwa mazazi a kwaikale.+
Batu bahae hane bawezi mwa lizoho la sila mi naasina ya mutusa,+Lila zahae bamubona mi bamuseha* kabakala kuwa kwahae.+
ח [Heth]
8 Jerusalema uezize sibi sesituna.+
Ki lona libaka habile nto yetoilwe hahulu.
Bane bamukuteka kaufela seba mushwaula, kakuli baboni mapunu ahae.+
Yena watonga+ mi uitemuna ka maswabi.
ט [Teth]
9 Masila ahae a mwa liapalo zahae.
Haasika nahana zeka mutahela kwapili.+
Uwile ka nzila yekomokisa; haana ya muomba-omba.
Wena Jehova, ubone manyando aka, kakuli sila siitundumuzi.+
י [Yod]
10 Sila siingile maluwo ahae kaufela.+
Kakuli uboni macaba hakena mwa sibaka sahae sesikenile,+Bona bene ulaezi kuli basike bakena mwa puteho yahao.
כ [Kaph]
11 Batu bahae kaufela batonga; babata lico.+
Bacincanisize lika zabona za butokwa kuli bafumane sico, kuli bapile.
Bona, wena Jehova, mi ulemuhe kuli nifetuhile musali yasina tuso.*
ל [Lamed]
12 Kana muunga kuli haki sesiñwi mina kaufela babafita mwa nzila?
Mutalime mi mubone!
Kana kunani butuku bobulikana ni butuku boniutwisizwe,Bwanaa nitahiselize Jehova mwa lizazi la buhali bwahae bobutuka?+
מ [Mem]
13 Ulumezi mulilo mwa masapo aka+ inzaa li mwa sibaka sesipahami, mi ukoma mañi ni mañi.
Uyandululezi mahutu aka kanyandi; unihapelelize kukuta mwamulaho.
Uniezize musali yayubekilwe.
Nakula lizazi kaufela.
נ [Nun]
14 Milatu yaka itamilwe sina coko, itamilwe hamoho ka lizoho lahae.
Ibeilwe mwa mulala waka, mi nifelezwi ki maata.
Jehova unifile mwa lizoho la benisa koni kuitamulela ku bona.+
ס [Samekh]
15 Jehova ukashelize kwatuko baana kaufela babamaata bane bali ku na.+
Unibizelize kopano kuli ipyate micaha baka.+
Jehova uhatikezi mwalyanjo wa Juda mwa silubelo.+
ע [Ayin]
16 Nalila kabakala lika ze;+ meeto aka asuluha miyoko.
Kakuli mutu kaufela yanaaka niomba-omba kamba kunikatulusa uinzi kwahule hahulu ni na.
Bana baka bayubekilwe, kakuli sila situzi.
פ [Pe]
17 Sione uotolozi mazoho ahae;+ haana waku muomba-omba.
Jehova ufile taelo ya kuli Jakobo alwaniswe ki lila zahae kaufela zeemupotolohile.+
Jerusalema ufetuhile nto yetoilwe hahulu ku bona.+
צ [Tsade]
18 Jehova uezize ka kuluka,+ kakuli nikwenuhezi litaelo* zahae.+
Muteeleze mina macaba kaufela, mi mubone butuku bwaka.
Balyanjo* baka ni micaha baka baisizwe mwa buhapiwa.+
ק [Qoph]
19 Nibizize batu baba nilata, kono banibetekile.+
Baprisita baka ni baana-bahulu baka bashwezi mwa muleneñi,Hane banze babata sico kuli bapile.+
ר [Resh]
20 Bona, wena Jehova, kakuli niziyelehile hahulu.
Lilama zaka za mwahali liziyelehile.*
Pilu yaka ifetuhile, kakuli nibile mukwenuheli yomutuna.+
Kwande, mukwale wabulaya;+ mwandu kuswana sina lifu.
ש [Shin]
21 Batu bautwile sitongo saka; hakuna yaniomba-omba.
Lila zaka kaufela liutwile za ziyezi yaka.
Litabile kakuli ki wena yatahisize ziyezi yeo.+
Kono ukatahisa lizazi lene ubulezi,+ lebaka swana sina na.+
ת [Taw]
22 Haike bumaswe bwabona kaufela butahe fapilaa hao, mi ubafe koto,+Sina mounifezi koto kabakala milatu yaka kaufela.
Kakuli zeenitongisa ki zeñata, mi pilu yaka yakula.
Litaluso ze kwatasi
^ Likauhanyo 1-4 ki lipina za malilo zeñozwi ka kulatelela sipeleta kamba litaku za Siheberu ka molitatamanela.
^ Kamba “likiliti.”
^ Kamba “Likalibe.”
^ Linzwi ka linzwi, “toho yahae.”
^ Kamba “bataba.”
^ Wo ki mubulelelo obonisa inge kuli kubulelwa mutu, ili kutalusa Jerusalema.
^ Kamba “Likalibe.”
^ Linzwi ka linzwi, “mulomo.”
^ Linzwi ka linzwi, “Mala aka aziyelehile.”
